Əziz Əzizov üçün vəziyyətdən çıxış imkanları daralıb
Bir neçə gün öncə, Neftçala rayonunun vəzifəli şəxslərinin qanunsuz hərəkətləri barədə Maliyyə Nazirliyindən daxil olmuş material üzrə Baş prokuror yanında Korrupsiyaya qarşı mübarizə idarəsində araşdırma aparıldığı barədə məlumat verimişdik. Həmin məlumatlarda qeyd olunurdu ki, sözügedən rayonda vəzifəli şəxslərinin 2012-2013-cü illərdə vəfat etmiş şəxslərin adlarının dövlət büdcəsinin vəsaiti hesabına ödəniləcək yardım siyahılarına daxil edilərək onların plastik kartlarına vəsait köçürülməsində, vətəndaşların mülkiyyətində və icarələrində olan torpaq sahələri barədə müvafiq təsdiqedici sənədlər olmadığı halda və becərilmiş əkin yerlərinin sahələrinin sənədlərdə süni surətdə şişirtməklə əlavə yardım məbləğlərinin hesablanaraq artıq ödənilməsində və digər qanun pozuntularına yol verilməsi nəticəsində dövlətə 53.4 min manat məbləğində ziyan vurulmasında şübhələr üçün əsaslar olduğundan fakta görə Cinayət Məcəlləsinin 308.1-ci (vəzifə səlahiyyətlərindən sui-istifadə) maddəsi ilə cinayət işi başlanıb. Daxil olan məlumatda bildirilir ki, hazırda Neftçala rayonunda aparılan yoxlama yekun mərhələdədir. Yoxlama zamanı ciddi maliyyə yeyintisi ortaya çıxıb və bu barədə yəqin ki, yaxın günlərdə daha dəqiq məlumatlar verəcəyik. Bu arada “Gündəm Xəbər” redaksiyasına daha bir məlumat daxil olub. Bildirilir ki, növbəti yoxlama Cəlilabad rayonunda baş tuta bilər. Belə ki, Əmək və Əhalinin Sosial Müdafiəsi Nazirliyinin Cəlilabad rayon Əhalinin Sosial Müdafiə Mərkəzində ciddi yoxlamalara ehtiyac var. Nazirlik rəsmisinin əhaliyə müraciəti də bu prossesin sürətlənməsinə təkan verə bilər. Belə ki, unvanlı sosial yardımların verilməsində ciddi problemlərlə üzləşən rayon sakinləri ƏƏSMN-nin Cəlilabad rayon Əhalinin Sosial Müdafiə Mərkəzində baş verənlərlə bağlı aidiyyatı qurumlara müraciət edəcək. Bir müddət əvvəl göndərlilən, amma cavabsız qalan müraciətlər də yenidən qabardılacaq. Həmçinin əlillik dərəcəsinin verilməsi zamanı yaradılan süni problemlərdən narazı olan insanların rəsmi qurumlara ünvanladığı müraciətlərinin araşdırılması prossesi başlanacaq. Bu arada verilən daha bir məlumata görə isə, Cəlilabadda gözlənilən yoxlamadan xəbərdar olan icra başçısı Əziz Əzizovun ciddi narahat olduğu deyilir. Ə.Əzizov bir neçə gün əvvəl bütün idarə və müəssisə rəhbərlərinə göstəriş verib ki, işlərində ciddi olsunlar. Əks təqdirdə yoxlamalar zamanı ortaya çıxan problemə görə, icra başçısı Əziz Əzizov deyil, idarə və müəssisə rəhbərləri cavab verəcək. Lakin icra başçısının bu fikirləri idarə müdirlərinin narazılığı ilə qarşılanıb. Onlar müxtəlif tədbirlərdə, məclislərdə bildiblər ki, Əziz Əzizov yarana biləcək təhlükədən sığortalanmaq üçün onları qabağa çəkir, baş verənlərə görə, onları günahkar çıxarmağa çalışır. Hansı ki, bütün məsələlər icra başçısı ilə razılaşdırılır. Redaksiyaya daxil olan məlumatı dəqiqləşdirmək üçün Cəlilabad icra hakimyyəti və ƏƏSMN-nin Cəlilabad rayon Əhalinin Sosial Müdafiə Mərkəzi əlaqə saxlamaq cəhdlərimiz nəticəsiz qaldı. Daha doğrusu hər iki qurumdan bildirilər ki, bu barədə heç bir açıqlama verə biıməzlər. Biz yenə də qanunlara sadiq qalaraq hər iki qurumun mövzu ilə bağlı mövqeyini işıqlandırmağa hazırıq.
Sorğu
Hansı bölmədə daha çox xəbər görmək istərdiniz?