Bakı metropolitenində axşam saatlarında sərnişin sıxlığı yaşanıb.

Metronun bütün stansiyalarında sıxlıq müşahidə olunub. Sıxlıq əsasən “Koroğlu”, “Gənclik”, “Nərimanov”, “28 may” və digər stansiyalarda daha çox yaşanıb.

Metropoliendən bildirildi ki, sərnişin sıxlığı əsasən “Koroğlu” stansiyasında müşahidə olunur.
Bakı Olimpiya Stadionunda keçiriləcək “Qarabağ” - “Roma” oyununa gedən azarkeşlərin çoxluğu nəticəsində “Koroğlu” metrostansiyasında sıxlıq yaranıb. Metrodan çıxmaq və daxil olmaq istəyən sərnişinlər çətinlik çəkiblər. Polis və metropoliten əməkdaşları sərnişinlərin hərəkətini təmin etmək üçün tədbirlər görüblər./Ölkə.Az