Azercell abonenti Bəxtiyar Hacıyev Brüsseldən Londona zəng edərkən hesabından 18,2 manat pulun çıxılması ilə bağlı sosial şəbəkəyə açıqlama verib. O, öz statusunda belə yazıb: “Soyğunçuluqdur?” İki gün əvvəl isə Bəxtiyar Hacıyev bir az da “irəli” gedərək Azercell rəhbərliyinə öz “hədiyyəsini” göndərib. B. Hacvıyev bununla da soyumayıb, o, Azercell-i onun Twitter hesabını blok etməkdə suçlayıb. Şirkətin əməkdaşlarını prokuror kimi dindirib və ona yaxşı qayğı göstərməməkdə onları ittiham edib.

Əvvəla, özü heç bir etik normalara əməl etməyən şəxsin başqalarından nəsə tələb etməsi və onları nədəsə ittiham etməsi çox gülməlidir. Hərçənd Azercell onun yersiz ittihamlarına və təhqirlərinə səbrlə yanaşır. Öz səviyyəsini qoruyur, öz açıqlamalarını ona sorğu göndərən mediayaya verir. Lakin hiss olunur ki, Azercellin belə soyuqqanlı davranışı daim nəyin bahasına olursa olsun gündəmdə qalmaq istəyən B. Hacıyevi əsəbiləşdirir və o, şirkəti var gücü ilə provokasiyaya çəkməyə cəhd edir. Görəsən niyə etirazını sivil qaydada məhkəmədə yox formal nəticə yaratmayan sosial mediada haqlı-haqsız tərzdə aparır? Bəlkə bu seçim ‘pozulmuş haqqının’ bərpa edilməsindən daha “dəyərli maraqlara” xidmətdir ?”
Sosial media çağdaş dünyanın fikir və söz azadlığının tribunasıdır, hüdudsuz məkanıdır. İstənilən insan istədiyini danışa bilər və bununla cəmiyyətin tərəzisində öz nüfuzunun çəkisini müəyyən edə bilər. Məsələ “like”-la bitmir. Təcrübə göstərir ki, sosial mediada işıqlandırılan daha ciddi mövzular, sarı (və ya ona bənzər) mövzulardan qat-qat aşağı “like” gətirir. Odur ki, B.Hacıyevin özünün ürəyincə olan “hədiyyəsi” olmasaydı, statusu bəyənib paylaşanların sayı xeyli az olardı. Bu isə, ağıllı zarafatlar edə bilməyəndə tamaşaçının diqqətini cəlb etmək üçün “beldən aşağı” zarafatlara əl atan yumoristlərin hərəkətinə bənzəyir. Yeri gəlmişkən, son zamanlar müxtəlif sahələrdə qiymət artımı halları olduqca çoxdur. Görəsən niyə həmin hallar B. Hacıyevin tənqidi, “prinsipial” mövqeyinin təzahürü olan milli əqidəmizə, mədəniyyətimizə zidd olan “hədiyyələrin” predmeti deyil?
İndi bir çoxları Azercell-ə ağıl öyrətmək istəyir, deyir mədəni-mədəni KİV-in sorğularına cavab vermək vaxtı deyil. Hətta B. Hacıyev əsgərlikdən yayındığı üçün ona islaq pampers, ya da yeni il münasibətilə bir xoruz, yaxud da ki, etdiyi bostan səviyyəli “zarafatının” adına layiq xiyar göndərməyi təklif edənlər də var. Məsələnin məğzi nədən ibarətdir? Bəxtiyar Hacıyev Belçikada olarkən rouminqdə danışıq cəhdinə görə 18 manat ödəməsi onu hiddətləndirib. Qiymət bahadırmı? Bəli, çox bahadır. Amma məsələ bundadır ki, Azercell deyir ki, Belçikada daha bir tərəfdaşı var. Həmin tərəfdaşla rominq danışığının dəqiqə qiyməti isə 2,5 manat təşkil edir. Hamıya sosial mediada dərs verən və ağıl öyrədən, xaricdə rominq xidmətindən istifadədə kifayət qədər təcrübəli olan B. Hacıyev isə öz telefonu vasitəsilə ən ucuz tarifi deyil, ən bahalı tarifi seçib. Məlumdur ki, biz hər hansı bir mağazada ərzaq və geyim seçərkən vitrindəki qiymətlərə baxıb, öz alıcılıq qabiliyyətimizə uyğun mal alırıq. Hər hansı bir restorana gedəndə əvvəlcə menyuya baxırıq.Yeməklərin və qiymətlərin uyğun olub-olmadığını müəyyənlişdiririk.
Azercell də bir xidmət istehsalçısıdır. Onun da xidmətlərinin çeşidi və qiyməti öz virtual vitrinində,- rəsmi saytında qoyulub. Lakin B. Hacıyev qiymətə baxmadan xidməti seçib. Ona görə də, hazırda B.Hacıyev restoranda menyuya baxmayıb yeyib-içdikdən sonra dava salan müştərini xatırladır. Haqdan- ədalətdən danışan, Azercell-i onu twitter-də “blok” etməkdə suçlayan B. Hacıyev yoxsa aktiv sosial media fəaliyyətində “ikili standartlara” da yol verir? Paylaşdığı statusun altında ona qarşı tənqidi fikirlər ifadə edən istifadəçiləri nalayiq sözlərlə təhqir edir, yazdıqlarını pozur. B. Haçıyevin bu hərəkəti onun tənqidə, fərqli fikrə qarşı dözümsüzlüyünü əks etdirir. Bu B. Haçıyevin demokratik dəyərlərə qarşı həqiqi münasibətini aydin göstərir. Azercell ictimaiyyətə çox açıq və tənqidə dözümlü olan azsaylı qurumlardan biridir. Baxın, bu gün Azercell Bureu Veritas kimi nəhəng şirkətdən İSO sertifikatı alıb, Socialbakers şirkətinin araşdırmalarının nəticələrinə görə müştərilərinin sorğusunu 100 faiz cavablandıran şirkətdir. Bu uğur və diplomların siyahısını davam da etmək olar. Amma yuxarıda sadalanan yalnız 2 tələbə cavab verən daha neçə yerli şirkət tanıyırsınız? Amma bu heç də demək deyil ki, bu şirkət idealdır.
Təbii ki, Azercellin fəaliyyətində, onun şəbəkəsində texniki problemlər olub. Ama Samsung Koreya üçün, İphone ABŞ üçün hansı dəyər daşıyırsa, Azercell də Azərbaycan üçün həmin dəyəri daşıyır. Əlimizə bir fağır Azercell düşüb eninə də döşəyirik, uzununa da. Nömrəsini daşıya-daşıya onu söyürük, amma ondan ayrıla bilmirik. B. Hacıyev də o cümlədən. P.S.: Bildiyimiz qədər B. Hacıyev dindardır. O, həm də Harvardın məzunudur. Təəssüf ki, Harvardda aldığı təhsil B. Hacıyevin etirazlarını sivil tərzdə bildirməsinə imkan verməyən dar düşüncəsini lazımi dərəcədə genişlədə bilməyib. Şəxsən məni belə bir sual düşündürür: Görəsən B.Hacıyev orta səviyyəli bir universitetin məzunu olsaydı Azercellə hansı “hədiyyəni” göndərərdi?
P.P.S. Bəxtiyar Hacıyev Azercell-ə göndərdiyi hədiyyənin biznesi ilə məşquldursa, bu hərəkətdən sonra guman ki, onun müştərisi bir xeyli çoxalacaq./avropa.info