Azərbaycan Ordusunun polkovniki Rahim Əliyevin vəfatı ilə bağlı Müdafiə Nazirliyi rəsmi məlumat yayıb.

Məlumatda deyilir ki, hərbi qulluqçu təlim mərkəzlərindən birində məşğələ keçirilən zaman bədbəxt hadisə nəticəsində həlak olub. O, hərbi rituallara uyğun olaraq dəfn olunub.
R.Əliyevin həlak olması barədə xəbər sosial şəbəkədə yanvarın 20-də yayılıb. Rəsmi açıqlama olmadığından onun gah minaya düşdüyü, gah hansısa hərbi əməliyyat zamanı həlak olduğu qeyd olunurdu.