Göygöl rayonunda narkotikdən istifadə edən 2 nəfər saxlanılıb.

Göygöl rayon polis əməkdaşlarının keçirdikləri əməliyyat-axtarış tədbirləri nəticəsində narkotik vasitələrin qanunsuz dövriyyəsində şübhəli bilinən, əvvəllər məhkum olunmuş Elşən Kərimov və Fərman Mirzəyev saxlanılaraq Polis Şöbəsinə gətirilib.

Elşən Kərimovun üzərinə baxış keçirilən zaman iki ədəd kibrit qutusunun içərisində 32 ədəd siqaret kağızına bükülü, ümumi çəkisi 4.278 qram, Fərman Mirzəyevin üzərindən isə bir ədəd siqaret kağızına bükülü 0.7 qram çəkidə narkotik maddə hesab olunan “heroin” aşkar olunaraq götürülüb.

İlkin dindirilmə zamanı onlar narkotik maddə istifadəçisi olduqlarını etiraf ediblər.

Faktla bağlı araşdırmalar davam etdirilir.