Bakı Apellyasiya Məhkəməsi cərimələnən "Optimal Electronics" MMC-nin apellyasiya şikayəti ilə bağlı qərar çıxarıb.

Hakim Mirzəli Abbasovun sədliyi ilə keçirilən prosesdə şirkətin apellyasiya şikayəti təmin edilib, birinci instanaiya məhkəməsinin çıxardığı qərar ləğv edilib.

Məhkəmə icraata xitam verib.

Qeyd edək ki, Azərbaycan Maliyyə Bazarlarına Nəzarət Palatası "Optimal Electronics" MMC barəsində inzibati xəta haqqında protokol tərtib edib və baxılması üçün Yasamal Rayon Məhkəməsinə göndərib.

Məhkəmə şirkətin İnzibati Xətalar Məcəlləsinin 430.4-cü (avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir) maddəsi ilə təqsirli bilnərək, 608 dollar məbləğində cərimələnməsi barədə qərar çıxarıb.

Qərardan narazı qalan şirkət apellyasiya şikayəti verib.

Xatırladaq ki, "Optimal Electronics" şirkəti elektron mallarının satışı ilə məşğul olur.