İraqın Kərbəla şəhərində İran konsulluğu qarşısında aksiyanın dağıdılması nəticəsində 5 nəfər ölüb, bir neçə nəfər yaralanıb.

“Report” RİA “Novosti”yə istinadən xəbər verir ki, məlumatı “Shafaq” agentliyi yayıb.

***10:30

İranın İraqın Kərbəla şəhərindəki konsulluğuna hücum olub.

Məlumatı İran KİV-i yayıb.

Bir qrup naməlum şəxs konsulluğun binasına daş atıb, tikanlı məftillərdən ibarət baryeri aşaraq içəri keçməyə cəhd göstərib.

Hazırda İraqın təhlükəsizlik qüvvələri vəziyyəti nəzarət altına alıb. Binanın ətrafında vəziyyət normallaşıb.

Qeyd edək ki, oktyabrın 1-dən İraqda etiraz aksiyaları keçirilir.