Ukraynada daha 528 nəfərdə koronavirus aşkarlanıb və bununla da ölkədə yoluxma faktlarının sayı 17 858-ə çatıb.

Bunu ölkənin Səhiyyə Nazirliyi açıqlayıb.

Bundan başqa, Şərqi Avropa ölkəsində virusdan ölənlərin sayı daha 14 nəfər artaraq 497-yə yüksəlib.

İndiyədək Ukraynada 4 906 nəfər koronavirusdan sağalıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 4,6 milyonu ötüb. Bunların 1,7 milyon nəfərdən çoxu sağalıb, 308 mindən çoxu isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.