Azərbaycan Respublikası Prezidenti, Ali Baş Komandan cənab İlham Əliyevə
Azərbaycanın Birinci Vitse Prezidenti, Azərbaycanın Birinci Xanımı Mehriban Əliyevaya

Qazax rayon sakinləri Əzimova Rəna Yusif qızı, Əzimova Nərgiz Yusif qızı, Əzimova Mehriban Yusif qızı, Əzimova Nərminə Yusif qızı, Əzimova Xuraman Yuzif qızı Prezident İlham Əliyevə və Birinci vitse-prezident Mehriban xanım Əliyevaya birgə müraciət ediblər. Müraciətdə deyilir:
"Hörmətli cənab Prezident!
Hörmətli Mehriban Xanım!
30 il davam edən Dağlıq Qarabağ uğrunda gedən haqq savaşımız Sizin məqsədyönlü siyasətiniz nəticəsində bizim qələbəmizlə, tarixi zəfərimizlə başa çatdı. Siz Azərbaycan tarixini yazdınız və tarix Sizin adınızı qızıl həriflərlə öz səhifəsinə yazdı. Siz dünya azərbaycanlılarının Milli Qəhrəmanısınız. Görkəmli siyası və dövlət xadimi, ulu öndər Heydər Əliyevin vəsiyyətini həyata keçirən qəhrəman oğulsunuz.
Sizin sayənizdə azad olunmuş torpaqlarımızda hal-hazırda tikinti və quruculuq işləri aparılır. Mənfur düşmən tərəfindən dağıdılmış, viran olmuş şəhər və rayonlarımızın cənnətə çevrilməsi üçün layihələr hazırlanır. Biz ağır bir müharibədən çıxmış qalib dövlətik. Bəli dövlətimizin problemləri, qayğıları həddindən çoxdur. Danılmaz faktdır ki, Siz daim gərgin iş rejimində çalışırsınız. Belə bir məqamda Sizi narahat etdiyimiz üçün Sizdən əvvəlcədən üzr istəyirik.
Hörmətli cənab Prezident!
Hörmətli Mehriban Xanım!
Sizə müraciət edərək bildirmək istəyirik ki, biz və ailə üzvlərimiz daim dövlətimizi və dövlətçiliyimizi dəstəkləyir, Sizin məqsədyönlü siyasətinizi hər birimiz çalışdığımız sahələrdə həyata keçirməyə çalışırıq. Ali təhsilliyik. İxtisasımız üzrə dövlət müəssisələrində müxtəlif fəsifələrdə çalışırıq. Ulu Öndər Heydər Əliyevin yaratdığı Yeni Azərbaycan Partiyasının üzvü və fəallarıyıq. Rayonda keçirilən seçkilərdə və içtimai işlərdə yaxından iştirak edirik. Bütün bunları hər bir vicdanlı Azərbaycan vətəndaşı kimi özümüzə borc bilirik. Onu da yaxşı bilirik ki, Siz həmişə sadə vətəndaşın yanındasınız. Siz hər bir azərbaycanlının Prezidentisiniz.
Cənab Prezident!
Siz daim öz çıxışlarınızda vəzifəli şəxslərə, məmurlara bildirirsiniz ki, sahibkarlara, icarədarlara kömək edin. Vətəndaşları incitməyin. Dövlət tərəfindən sahibkarlara daim vəsait ayrılır, maddı köməklik göstərilir. Bizim qardaşımız Əzimov Eldəniz Yusif oğlu da neçə illərdir ki, Qazax rayonunda İsrafil Ağa Hamamının icarədarıdır.
1993 cü ildə dahi Heydər Əliyev ikinci dəfə hakimiyyətə qayıdanda atamız Əzimov Yusif " Azərbaycanın Sahibi gəldi “ deyərək bundan böyük ruh yüksəkliyi aldı. Və rayonda xeyirxah və savab iş görmək məqsədilə baxımsız və bərbad vəziyyətə düşmüş tarixi abidə olan İsrafil Ağa Hamamını öz şəxsi vəsaiti ilə təmir və bərpa etdirib işlək vəziyyətə salmaq üçün Heydər Əliyevə müraciət etdi. Ulu Öndər dərhal atamızın müraciətini qəbul etdi və o zaman Qazax rayonuna rəhbərlik edən Əsəd Orucova tapşırıq verdi ki, İsrafil Ağa Hamamını onun istifadəsinə versin. Atamız böyük həvəslə qısa müddət ərsində öz şəxsi vəsaiti ilə buranı təmir və bərpa etdirdi. Bilirsiniz ki, həmin illər rayonlarda qaz yox idi. Elektrik enerjisi fasilələrlə verilirdi. Rayon əhalısının buna çox ehtiyacı vardı. Şəhər hamamı o çümlədən müntəzəm olaraq hərbiçilərə xidmət göstərirdi. Atam 1997 ci ildə rəhmətə gedəndən sonra həmin obyekt qardaşımız Əzimov Eldəniz Yusif oğlunun istifadəsinə verildi.
Qardaşımız Əzimov Eldəniz Yusif oğlu dövlətimizi və dövlətçiliyimizi dəstəkləyən bir qazaxlıdır. 20 ildir YAP ın fəal üzvüdür. Ali təhsilli mühasibdir. Sərbəst güləş üzrə İdman ustası, qaydasız döyüş üzrə 2 dəfə qalib yerlərin mükafatçısıdır, 2003 cü ildə Dinamonun İdmançı klubunda məşq edib. Həqiqi hərbi xidmət borcunu Bakı şəhər “Xüsusi təyinatlı” hərbi hissədə yerinə yetirən müddətdə davamlı olaraq ünvanımıza hərbi hissə komandiri tərəfindən təşəkkürnamələr daxil olurdu . Qazax balaca rayondur. Burada hamı bir –birini yaxşı tanıyır. Onun rayon əhalisi arasında özünə məxsus hörməti var. Erkən yaşda, yeniyetməlik dövründən valideynlərini itirən qardaşımız həyatın bütün çətinliklərindən heç kimin köməyi olmadan keçib.
Cənab Prezident!
Hal-hazırda bizim qardaşımız Qazax rayon polis rəisi Ədalət Əliyevin haqsızlığı üzündən 10 günlük müddətinə həbs edilib. Belə ki, Ədalət Əliyev əməkdaşlarını, rəis müavini Şakir Rüstəmov dəfələrlə onun işlətdiyi İsrafil Ağa Hamamına və evinə göndərərək narahatçılıq yaradıb. Polis rəisinin qoyduğu “qanunlara” tabe olmaq bizim qardaşımızın qarşısına tələb kimi qoyulub. Polis əməkdaşları isə bildiriblər ki, sən rəisi tanımayınca səni rahat buraxmayacayıq. Qardaşımız Əzimov Eldəniz yalnız Azərbaycan Prezidentinin, dövlətin və dövlətçiliyin qanunlarını tanıdığını, bu qanunlara tabe olduğunu Ədalət Əliyevin heç bir “qanun və tələbinə” əməl etməyəcəyini bildirib. Əzimov Eldənizin bu cür yanaşması rəisin qəzəbinə gəlib.
Ədalət Əliyevin əməkdaşları 8 aprel 2021 ci il tarıxdə onun tapşırığına əsasən qardaşımızın iş yerinə gələrək zorla polis şöbəsinə aparmağa çalışıblar. Polis əməkdaşları onun əynindəki paltarı cıraraq başından zərbələr endirib. Bu vəziyyətdə o, huşunu itirib və onu təcili yardım stansiyasına aparıblar. Sonra yenidən əlini və ayaqlarını qandallayaraq polis şöbəsinə gətiriblər. Biz etiraz səsimizi qaldıraraq polis rəisinə xəbər göndərdik ki, onun bu haqsızlığı qarşısında susmayacayıq. Özünü təmizə çıxarmaq məqsədilə Ədalət Əliyev televiziya kanallarında şəhər hamamının gizli fəaliyyəti aşkar olunduğu və sahibinin 10 gün müddətinə həbs edildiyi xəbərini yayımlatdı. Onu da qeyd edək ki, bəli ciddi karantin rejimində bütün obyekt və müəssisələrin fəaliyyəti dayandırılanda şəhər hamamı da öz fəaliyyətini dayandırdı. Lakin sərt karantin rejim ləğv olduqdan sonra karantin qaydalarına əməl edərək yenidən fəaliyyətə başladı. Qazax balaca rayondur. "İsrafil Ağa Hamamı" isə şəhərin mərkəzində yerləşir. Ədalət Əliyev bütün obyektləri yaxşı tanıdığı üçün çox gözəl bilirdi ki, şəhər hamamı işləyir. Obyekt şəhərdən kənarda yerləşmirdi ki, gözdən uzaq ola. Əgər şəhər hamamı gizli fəaliyyət göstərirdisə bəs yerləşdiyi ərazinin sahə polisi hara baxırdı? Hər gün obyektin qapısını döyüb haqq istəyən rəis müavini Şakir Rüstəmov nə yaxşı buna göz yumurdu? Obyekt necə gizli fəaliyyət göstərirdi ki, işlədiyi müddət üzrə dövlət vergisini və icarə haqqını ödəyirdi?
Hörmətli cənab Prezident!
"İsrafil Ağa Hamamı" çox geniş ərazisi olan bir obyekt olsa da burada 3 ayrı-ayrı duş kabinələri və kiçik camaşırxana fəaliyyət göstərir. Hər zaman karantin, təmizlik və gigiyena qaydalarına əməl olunur. Müntəzəm olaraq dizinfeksiya edilir. Burada qardaşımızla bir yerdə 5 nəfər işçi evinə çörək pulu aparır, ailəsini saxlayır.
Qazax rayon İcra Hakimiyyəti Başçısı cənab Rəcəb Babaşov kiçik sahibkar kimi qardaşımız Əzimov Eldənizə həmişə diqqət və qayğı ilə yanaşır. Sahibkarlara dəstək məqsədilə rayon rəhbəri onun işlətdiyi hamamın kanalızasıya sisteminin yenilənməsini təmin edib, o cümlədən təmir və bərpa işlərində daim yardımçı olur. İsrafil Ağa Hamamının icarə haqqının ödənilməsində müəyyən güzəştlər olunması üçün müvafiq idarə və müəssisələrə tapşırıqlar verib.
Azərbaycan Respublikası Prezidentinin fərman və tapşırıqları rayon rəhbəri Rəcəb Babaşov tərəfindən uğurla həyata keçirilir. Rayonda iş yerləri açılır, əhalinin rifah halını yaxşılaşdırılması, işsizliyin, yoxsulluğun aradan qaldırılması sahəsində məqsədyönlü işlər aparılır, sahibkarlara, icarədarlara köməklik edilir, Ədalət Əliyev isə qapı bağlayıb, çörək vaisi olur.
Cənab Prezident!
Qardaşımız Əzimov Eldənizin bir Azərbaycan vətəndaşı və kiçik sahibkar kimi hüquqlarının qorunmasını Sizdən xahiş edirik.
Sizə əvvəlcədən öz minnətdarlığımızı bildiririk.

Gundemxeber.az