"Hörmətli cənab Prezident!
Hörmətli Mehriban Xanım!
Bir Azərbaycan qadını, gənc bir ana kimi Sizə üz tuturam.
Siz hər bir Azərbaycan qadınına bacınız, qızınız kimi yanaşırsınız, diqqət və qayğı göstərirsiniz. Mən də Sizə bir bacınız, qızınız kimi müraciət edirəm. Sizdən xahiş edirəm ki, məni ailəmlə birlikdə, həyat yoldaşım Əzimov Eldəniz Yusif oğlu, azyaşlı övladlarım Əzimzadə Zəkiyyə Eldəniz qızı, Əzimzadə Yusif Eldəniz oğluyla qardaş Turkiyə və yaxud göndərə bilmək imkanınız olan digər xarici dövlətlərin birindən sığınacaq almağa və orada yaşamağımıza köməklik edəsiniz.
Çünki, Qazax rayon polis rəisi Ədalət Əliyev bizim dolanışığımıza, həyat yoldaşımın sakit və rahat şəraitdə işləməsinə imkan vermir.
Hal- hazırda həyat yoldaşım Qazax rayon polis rəisi Ədalət Əliyevin haqsızlığı üzündən 10 günlük müddətinə həbs edilib. Mən azyaşlı uşaqlarımla evdə tək qalmışam.
Neçə gün idi ki, Ədalət Əliyevin işçiləri, o cümlədən rəis müavini Şakir Rüstəmov dəfələrlə evimizə və həyat yoldaşımın işlətdiyi İsrafil Ağa Hamamına gələrək narahatçılıq yaradırdı. Yoldaşıma bildirirdi ki, bütün sahibkar və icarədarlar rəisi tanıdığı kimi sən də tanımalısan. Polis rəisinin qoyduğu “qanunlara” tabe olmalısan. Yoldaşım hər zaman onlara bildirirdi ki, mən Azərbaycan Respublikası Prezidenti İlham Əliyevdən və onun imzaladığı dövlət qanunlarından başqa qanun tanımıram və tanımaq da isdəmirəm.
Ədalət Əliyevin əməkdaşları 8 aprel 2021 ci il tarıxdə onun tapşırığına əsasən yenə yoldaşımın iş yerinə gələrək zorla polis şöbəsinə aparmağa çalışıblar. Polis əməkdaşları onun əynindəki paltarı cıraraq başından zərbələr endirib. Bu vəziyyətdə o, huşunu itirib və onu təcili yardım stansiyasına aparıblar. Sonra yenidən əlini və ayaqlarını qandallayaraq polis şöbəsinə gətiriblər. Bu hadisənin şahidi olanlar bu barədə prezidentə müraciət edəcəklərini bildiriblər. Özünü təmizə çıxarmaq məqsədilə Ədalət Əliyev dərhal televiziya kanallarında səhər hamamının gizli fəaliyyəti aşkar olunduğu və sahibinin 10 gün müddətinə həbs edildiyi xəbərini yayımlatdı. Onu da qeyd edim ki, ciddi karantin rejimində bütün obyekt və müəssisələrin fəaliyyəti dayandırılanda şəhər hamamı da fəaliyyətini dayandırmışdı. Lakin sərt rejim ləğv olduqdan sonra karantin qaydalarına əməl edərək yenidən fəaliyyətə başladı. Şəhərin mərkəzində yerləşən İsrafil Aga Hamamın işlədiyini Ədalət Əliyev və onun əməkdaşları yaxşı bilirdi. Əgər şəhər hamamı gizli fəaliyyət göstərirdisə bəs yerləşdiyi ərazının sahə polisi hara baxırdı? Hər gün Ədalət Əliyevdən ismarıc gətirən rəis müavini Şakir Rüstəmov nə yaxşı buna göz yumurdu? Hər gün yoldaşımın arxasınca gəlib iş yerində narahat edən o deyildimi? Obyekt necə gizli fəaliyyət göztərirdi ki, yoldaşım hər ay dövlətə icarə və verdi ödəyib? Göründüyü kimi Ədalət Əliyev yoldaşım Eldəniz Əzimova şər və böhtan atır.
Hörmətli cənab Prezident!
Hörmətli Mehriban Xanım!
Yoldaşım işlətdiyi obyektdən onunla bir yerdə 5 nəfər işçi evinə çorək aparır, ailəsini saxlayır. O çümlədən bu işçilər dövlətə vergi ödəyirlər. Bu insanların işsiz, çörəksiz qalması vicdansızlıq deyilmi? Axı hamı ailəsinə uşaqlarına çörək aparmalıdır. Niyə iş yerləri olduğu halda bu insanlar iş üçün, dolanışıq üçün Prezidenti və icra başçısını narahat etməlidir.
Qazax rayon İcra Hakimiyyəti Başçısı cənab Rəcəb Babaşovdan mənim heç bir narazılığım yoxdur. O, Qazax rayonunda hamını evbəev tanıyır. Hamının problemləri ilə maraqlanır. Bizim qonşuluqda Şəhid hərbi həkim Adil Əfəndiyevin ailəsi yaşayır. Rəcəb Babaşovun şəhid ailəsinə tez –tez baş çəkdiyinin, necə qayğı göstərdiyinin şahidiyəm. Rəcəb Babaşov insani keyfiyyətləri ilə rayon əhalisinin hörmət və sevgisini qazanıb. Kiçik sahibkar kimi yoldaşım Əzimov Eldənizə həmişə diqqət və qayğı göstərir. Onun işlətdiyi hamamın kanalızasıya sistemi bərbad vəziyyətdə idi oranın yenilənməsini təmin etdi, o cümlədən obyektin təmir işlərində də əlindən gələn köməkliyi göstərir.
Hörmətli cənab Prezident!
Hörmətli Mehriban Xanım!
Mənim nə atam, nə qardaşım var. Vəzifədə çalışan, imkanlı qohumlarım heç bir dayağım yoxdur ki, Ədalət Əliyevin haqq yoluna çağırsınlar. Mən yoldaşımın vəziyyətindən olduqca narahatam. “Skoç Ədalət “ ləqəbindən zövq alan polis rəisi rayon əhalisi arasında danışılır ki, polisdə saxlanılan vətəndaşların əlinin, qolunu, ağzını skoçladaraq işgəncələr verir. Xahiş edirəm onun təhlükəsizliyi və sağlamlığının qorunması üçün aidiyyatı qrumlara tapşırıq verəsiniz. Mənim azyaşlı övladlarım hal- hazırda atalarının həbsdə olması ilə əlaqədar qorxu və stress keçirirlər.
Sizdən artıq dərəcədə xahiş edirəm mənim və ailəmin ölkədən çıxaraq xarici dövlətlərin birində yaşamağımız üçün köməklik göstərəsiniz.
Sizə əvvəlcədən öz təşəkkürümü bildirəm."