Bu gün sağ olsaydı bilərdi haranı partlatmaq lazımdır !!

Onun haqqında o qədər yazılıb və deyilib ki...Amma yenə də azdır,  yazılanlar damcılardır. 

Amma bir şey də var. Yəni həyatda xoş hadisələrin məkan mənasında eyni  gündə olması az təsadüf olunan hallardandır...Belə ki,  onun M.Ə.Rəsulzadə ilə bir kənddən -Novxanıdan olması, üstəlik də   dost və qohum olması xoş təsadüflərdəndir.

Bu gün Sovet İttifaqı Qəhərəmanı, Almaniyada Azərbaycan Leqionunda fəaliyyət göstərmiş əfsanəvi "Mixaylo "ləqəbli azərbaycanlı partizan, qəlbi daima Azərbaycanın müstəqillik eşqi ilə döyünən   Mehdi Hüseynzadənin vəfat günüdür.

 ...Dediyim kimi, M.Ə.Rəsulzadənin  oğlu  Azər Rəsulzadə ilə  Mehdi Hüseynzadə qohum və bərk dost olublar. Necə dost olduqları haqda özünüz qiymət verin.Təsəvvür edin ki, İkisi də rəssam.  Və günlərin birində şərikli iş götürürlər ki, tez təhvil versinlər, pulu almaq ləngiməsin. Amma Azər əziyyətini çəkdiyi işin haqqını ala bilmir ..Çünki yağışlı noyabr günündə  sürgün olunur... Mehdi Hüseynzadə pulu alan kimi Azərin sürgündəki ünvanını öyrənir, pulun tən yarısını dostuna göndərir.!!

Müharibədən bacısına yazdığı son məktubunda isə yazırdı:" Mən sizə söz verirəm ki, son damla qanıma qədər vuruşacağam, sizi əmin edirəm ki, mən qəhrəmancasına döyüşəcəyəm, sizin başınızı ucaldacağam, ölsəm də qəhrəmancasına öləcəyəm! Mənim barəmdə eşidərsiniz, hələlik, sağ olun. Bu mənim son məktubumdur! "

O, sözünün üstündə kişi kimi artıqlaması ilə durdu.

Düşünürəm ki.bir çox bilmədikləriniz var. Belə ki, Mehdinin atası Hənifə Hüseynov "Hümmət" təşkilatının üzvü, Azərbaycanda Sovet rejiminin qurulması üçün çalışan fəal döyüşçülərdən olub. Daha sonra o, Azərbaycan milisinin rəisi olub, ölkə ərazisində banditizmə qarşı mübarizə aparıb, həyatının sonlarına yaxın Bakı Sovetinin inzibati şöbəsində müdir işləyib.

Erkən yaşda atasını itirən Mehdi əvvəl anası, sonra isə bibisi tərəfindən böyüdülür. Mehdi 19 saylı orta məktəbini bitirib. Onun ilk müəllimi bəstəkar Səid Rüstəmov olub Mehdi Hüseynzadənin i Bikə Əlizadə və Hürriyət Əzizbəyova adında iki bacı olub. Böyük bacısının oğlu Aqşin Əlizadə məşhur Sovet və Azərbaycan bəstəkarı və Azərbaycan SSR xalq artisti idi.

...O, həm tar çalır, həm də şer yazırdı. 1943-1944-cü illərdə yazdığı şeirləri "QÜRBƏTZADƏ" təxəllüsü ilə imzalayırdı. M.Hüseynzadə uzaq Adriatikdə döyüşərkən öz vətənini xatırlamaqdan yorulmurdu. Öz şeirlərindən birində vətənini xüsusi istiqanlılıqla belə yad edirdi:

Kaş ki, mən bir sarı yarpaq olaydım,

Sabahın yelləri alaydı məni;

Aşaraq o qarlı, uca dağları,

Vətən torpağına salaydı məni.

sözardı: Diqqəti həm də  başqa məqama çəkmək istəyirəm ...Bizim 128 nəfər Sovet İttifaqı Qəhrəmanımız var.! Təsəvvür edin ki, 2-ci Dünya Müharibəsi və 1-ci və 2-ci Qarabağ savaşı olmayıb...Biz kimlə öyünəcəkdik? Biz kimlərə baxıb qəhrəamanlıq göstərərək qələbə çalacaqdıq ? Qacaqlarlamı öyünəcəkdik Təkcə Qatır Məmməd , qaçaq Nəbi iləmi ? Bu sovet ideologiyasının türklərə qarşı bir siyasəti deyilmi ?   

Sonrakı məşhur qəhrəmanlarımız  kim idilər? Kasıb uşaqlar..Sonralar da həmçinin  indi də ..Eləcə də .Ramiz ,Allahverdi və sonra 2883 şəhidimiz ,qazimiz və digərləri ...Onlar kənddən, dağdan düşüb müharibədə qəhrəmanlıq etdilər.... Əgər həmin Hitler Almaniyasına qarşı Vətən müharibəsi olmasaydı Mehdi Hüseynzadə, Həzi Aslanov, sonra isə Hikmətlərimiz, Xudayarlarımız..ola bilərdimi ? Qəhrəmansiz .şəhidsiz xalq vətən mümkün deyil Milləti yaşadanlar və sevdirənlər məhz onlardır .Onlardan biri də Mehidi Hüseynzadədir.

 FƏRDLƏR OLARAQ YOX , MİLLƏT ÖZÜ NƏ VAXTSA MİLLƏT OLARAQ ÖZ QƏHRƏMANLIĞINI GÖSTƏRİB Və GÖSTƏRİR VƏ GÖSTƏRƏCƏK !!

Ruhu qarşısında təzimlə

Baba Allahnəzərov