Azərbaycanlı jurnalist Fariz Quliyev, Amerika Birləşmiş Ştatlarının prezidenti cənab Cozef Baydenə mətbuat vasitəsi ilə müraciət edib. Həmin müraciəti oxuculara təqdim edirik.

Hörmətli Cozef Bayden!

Əvvəla onu qeyd edim ki, mən İlham Əliyevin sədri olduğu Yeni Azərbaycan Partiyasının üzvüyəm. Sizin dəyərli, ölkəniz və dünya üçün vacib olan vaxtınızı şəxsi problemimə yönləndirdiyim üçün üzr istəyirəm.

Düşünürəm ki, İlham Əliyevə bu haqda məlumat verəndə narahat olmaz. Çünki illərdir ki, ona və Birinci vitse-prezidentə rəsmi məktublar göndərirəm. Bir dəfə də olsa maraqlanmayıblar…

Mən məcbur qalaraq, məhz Sizə müraciət edirəm. Məsələ ondadır ki, mən illərin, yəni 20 ilin jurnalistiyəm. Amma bu 20 ildə heç nə əldə etməmişəm.

Sual edə bilərsiniz ki, niyə heç nə, yaşamağa bir ev belə əldə etməmisən?

Indi bu paradoksallığa aydınlıq gətirəcayəm. Son zamanlar bizim ölkəmizdə çox “müsbət” proseslər həyata keçirilir. Jurnalistıərin üzərinə qlobal öhdəlik qoyulub ki, heç bir məmurdan bir manat belə almasın. Məndə qanunlarımıza hörmət edərək, kimsədən bir manat belə istəməmişəm indiyə kimi. Nəticə isə göz qabağındadır. Bu gün nə evim, nə bir sığınacağım var. Dövlətimiz jurnalistlər üçün ev tikib, əvvəlki evləri ehtiyacı olmayan yaxınlarına verdilər, sonuncu binanı isə jurnalist adı ilə tikiblər, lakin bölüşə bilmədikləri üçün, bir bəhanə ilə vermirlər.

Nəticə də mənim kimi evə ehtiyacı olanlar, pis vəziyyətdə qalıb.

Bu illər ərzində 2 dəfə ağır insult xəstəliyi keçirmişəm. Buna peşə xəstəliyi demək olar. Düzdür dövlət bunu belə adlandırmır. Çünki dövlətə sərf etmir. Lakin bu 100 faiz belədir.

Axı, mən rəngsaz, usta və yaxud da çoban işləmirdim ki, heyvanın yemini və ya avtomobil boyasını fikirləşim. Mən məhz jurnalistəm! Dərin düşünən, hər yazı yazanda müxtəlif təzyiqlərlə üz-üzə qalan qəhrəman jurnalist.

Möhtərəm Cozef Bayden!

Sizdən demokrat prezident kimi xahiş edirəm ki, məni öz ölkənizə qəbul edəsiniz və yaşamaq üçün mənə bir yer verəsiniz! Əgər uyğun şərait yaranarsa, beynimin məhsulundan bir jurnalist kimi sevə-sevə istifadə edə bilərəm.

Hörmətlə, Jurnalist Fariz Quliyev