Gədəbəydə baş verənlərdən təəccüblənməyə dəyməz, çünki, Azərbaycan da, təbii sərvətləri bol olan və bu sərvətlərdən xalqa heç nəyin çatmadığı ölkələrdə sadəcə birisidir . Buna görə də, hazırda təbii sərvətləri bol olan ölkələrin vətəndaşları, ümumiyyətlə təbii sərvətlərə əlcatanlığı olmayan ölkələrin vətəndaşlarından daha acınacaqlı vəziyyətdə yaşayırlar. Bizim möhtərəmlərimiz isə bunu görmək istəmirlər. Çünki butün sərvətləri öz aralarında pay puş edərək yağ içində böyrək kimi yaşayırlar . Azərbaycanda sosial vəziyyətdən söz düşəndə isə yalnız özlərini və ətrafını nəzərdə tutaraq mülahizələr irəli sürürlər. Onlara bu da bəs etmir. Kommunal və nəqliyyat qiymətlərini mütəmadi qaldıraraq, əhaliyə verdikləri cüzi maaş, müavinət və pensiyalarını da əllərindən alırlar. Məsələn, Son zamanlar kütləvi şəkildə mexaniki saygacların quraşdırılması prosesinə start verilib . Çünki burada insanları aldadaraq soymaq üçün geniş meydan var. Bildiyiniz kimi, Ölkəmizdə Allahın bizə bəxş etdiyi doğal sərvətlərimiz olan qaz, su, işıq da əhaliyə limitlə verilir. Bu sahədə çalışanlarin bilərəkdən öz işlərinə səhlənkar yanaşmalari səbəbindən əhalidən əlavə pul alinır.

Bunu anlamaq və hesablamaq heç də çətin məsələ deyil. Tutaq ki, vətəndaş limitlə verilən 200 kvts enerjidən əlavə 100 kvts da enerji sərf edib, həmin qurumun əməkdaşi vaxtında gəlib bildiriş versə, vətəndasın ödəyəcəyi məbləğ belə hesablanır 200 kvts - 8 qəp.=16man., 100 kvts limitdən əlavə sərf olunan enerji 9qəpikdən hesablanır. Bu da edir 9manat, ümumi ödənəcək məbləğ 25 manat. "Azərişıq isə bunun yeni hesablama metodunu tapıb, durumun əməkdaşı iki ay(bu iki, üç, dörd ay da ola bilər baxır onların insafına)vətəndasın qapısına gəlmir, sonra da, iki aylıq sərfiyyatı bir aya yükləyərək belə bir borc yaradır- limitlə sərf edilən 200kvts-8qəp. limitdən artıq işlədilən 100kvts-9qəp.,və əlavə sərfiyyat 300kvts13qəp. Bu hesabla vətəndaşin 2 aylıq borcu 25+25=50 manat deyil, 25 man.+39man.=64 manat təşkil edir ki,"Azərişıq"bunu bilərəkdən vətəndasın boynuna yükləyir,.Hesab etsək ki, "Azərişıq"ın iki milyondan çox abonenti var, hər birindən bir yolla 14 manat qazanırsa ümumilikdə qazanc 28 milyon manat edir . Azərbaycanda vətəndaşa verilən ən böyük dəyər də məhz budur- soyğunçuluq obyekti olmaq. Başqa dəyər yoxdur. Deyirsiniz Gədəbəy, bəs butün məmləkətin durumunu niyə görmürsunüz cənablar. Bu da "QIZIL" KİMİ İNQİLAB...

Yusif Seyid

GundemXeber.Az