Sosial şəbəkələrdə Xırdalan şəhərində qadının bir şəxs tərəfindən hədələnməsini əks etdirən görüntülər yayılıb.

DİN mətbuat xidmətinin əməkdaşı Nurlan Əliyev Oxu.Az-a bildirib ki, görüntülərdən məlumatlıyıq. Həmin şəxs ərazidə xidmət aparan Abşeron Rayon Polis İdarəsinin əməkdaşları tərəfindən saxlanılaraq müvafiq polis orqanına təhvil verilib.

Faktla bağlı araşdırma aparılır.

16:32

Abşeronda kişi küçədə qadına qarşı zorakılıq edib.

Oxu.Az xəbər verir ki, hadisə rayonun Xırdalan şəhərində qeydə alınıb.

Belə ki, özünü qadının əri kimi qələmə verən şəxs bıçaqla onu hədələyərək ayaqyalın evdən çıxarıb.

Hadisəyə şahidlik edənlər həmin şəxsin narkotik vasitənin təsirində olduğunu iddia edirlər.

Məsələ ilə bağlı Azərbaycan Respublikasının Daxili İşlər Nazirliyinin (DİN) Qaynar Xəttinə müraciət olunub.

Dərhal sonra hadisə yerinə polis əməkdaşları cəlb olunaraq sözügedən şəxs barəsində müvafiq tədbirləri görüblər.

Faktla bağlı araşdırma aparılır.