Gundemxeber.az » Ölkə » Cəmiyyət » Qəbələdə 700 minlik yol təmiri - Tenderin qalibi yenə ATF MMC seçildi
Qəbələdə 700 minlik yol təmiri - Tenderin qalibi yenə ATF MMC seçildi
Tender kralı kimi tanınan ATF MMC 2023-cü doqquzuncu iri məbləğli tenderin qalibi olub.
Gundemxeber.az xəbər verir ki, şirkətin bu dəfə qalib gəldiyi tenderi Qəbələ Rayon İcra Hakimiyyəti keçirib.
Tender Qəbələ şəhərinin küçə və dalanlarına asfalt örtüyünün çəkilməsi işlərinin satınalınması ilə bağlıdır. Tərəflər arasında bağlanacaq satınalma müqaviləsinin maliyyə dəyəri 698 650,45 AZN-dir.
İqtisadiyyat Nazirliyi yanında Dövlət Vergi Xidmətinin reyestr məlumatlarına görə, ATF MMC 23 dekabr 2003-cü ildə qeydiyyata alınıb. Nizamnamə kapitalı 20 AZN olan şirkətin hüquqi ünvanı Göyçay rayonunun Çayarxı kəndində yerləşir. MMC-nin qanuni təmsilçisi Muradov Tebriz Əzim oğludur
ATF MMC Azad, Təbriz və Fəxrəddin Muradov qardaşlarına məxsusdur. Şirkətin adı onların baş adlarının baş hərflərinin birləşməsidir.
Fəxrədin Muradov 2018-ci ildə hüquq-mühafizə orqanları tərəfindən saxlanılıb. Həmin vaxt Baş Prokurorluğun yaydığı məlumatda bildirilirdi ki, Fəxrəddin Muradova Cinayət Məcəlləsinin 192-ci (qanunsuz sahibkarlıq), 247-ci (işlərin yerinə yetirilməsi zamanı ətraf mühitin mühafizəsi (qorunması) qaydalarını pozma), 308-ci (vəzifə səlahiyyətlərindən sui-istifadə) və digər maddələrlə ittiham irəli sürülüb. Bu işlə bağlı araşdırmalar zamanı məlum olub ki, "ATF" şirkəti dövlətə 361 000 manat ziyan vurub.
Maraqlıdır ki, şirkətin qalib gəldiyi bütün tenderlər yol təmiri ilə bağlıdır. Haqqında heç bir məlumat olmayan, maddi-texniki bazasının vəziyyətinin hansı səviyyədə olduğu bilinməyən bir şirkətin eyni zamanda bir neçə rayonda yolların təmirini necə həyata keçirəcəyi aydın deyil.
Mediada gedən iddialara görə, ATF MMC Azərbaycan Avtomobil Yolları Dövlət Agentliyinin (AAYDA) rəhbəri Saleh Məmmədova yaxındır. Şirkətin yol təmiri ilə bağlı tenderlərin qalibi seçilməsi də bununla izah edilir.
Hətta iddia olunur ki, bəzi hallarda AAYDA-nın yol çəkilişlərində də ATF MMC-dən istifadə edilir.
Gundemxeber.az
Oxşar yazılar :
-
-
Baba Rzayev DÖVLƏTƏ NECƏ ŞƏRİKLİK EDİR... - Daha ...
22-06-2021, 16:49
-
Mingəçevirdə tender maxinasiyaları - İlham ...
1-06-2021, 16:56
-
Tovuzda TENDER OYUNBAZLIĞI... - İLGİNC FAKTLAR ...
25-11-2023, 00:11
-
Oğuzun icra başçısı pulu yollara belə “axıdır” – ...
7-07-2021, 16:51
-
10 manatlıq şirkət milyonluq tenderləri necə udur? ...
5-07-2020, 10:08
Sorğu
Hansı nəqliyyat növündən daha çox istifadə edirsiniz?