Həbsdə olan Sənan Həsənoğlu və İlqar Atayevin anaları övladlarının Prezidentlərin əfv etməsi üçün müraciət ediblər.

Bu haqda jurnalistlərin ailə üzvləri gundemxeber.az-a bildiriblər.

Beləliklə, redaksiyamıza təqdim olunan müraciəti olduğu kimi təqdim edirik:

 "Cənab prezident İlham Əliyev, hörmətli birinci vitse-prezident Mehriban xanım Əliyeva!

Sizlərə təkcə Ölkəmizin rəhbərləri kimi yox, həm də Milli adət-ənənələrimizə sadiq və qayğıkeş azərbaycanlı ailəsinin başçıları kimi müraciət edirik. Biz həbsdə olan jurnalistlər Sənan Abdullayev və İlqar Atayevin anaları, 70 yaşlı Almaz Kazımova və 74 yaşlı Validə Atayeva olaraq, Sizdən övladlarımızın əhv edilməsini xaiş edirik. Onlar 30 ilə yaxındır ki, ölkəmizin müxtəlif KİV-lərində çalışıblar və həmişədə dövlətçiliyə və Heydər Əliyev siyasi kursuna sadiq olublar. Sənan Abdullayev 1993-cü ildən 2003-cü ilədək ədalət “ Odlar yurdu”, “ Soydaş” və s “ KİV-lərdə” reportyor olaraq 2003-cü ildən isə 2020-ci ilədək , SPACE TV, ATV və AZTV-nin Qarabağda bölgə müxbiri kimi işləyib. İlqar Atayev isə 1998-ci ildən çalışdığı müxtəlif mətbu orqanlarında eləcədə sosial şəbəkələrdə daima mərkəzçi mövqelərini sərgiləyərək dövlətçiliyə xidmət edib. Çünki, hər ikisinin rəhmətlik ataları Həsən Abdullayev və Əlabbas Atayev dövlətçiliyimizə sadiq, Heydər Əliyev ideyalarına dərin inamları olan şəxsiyyət olaraq tanınıblar Elə ona görə də rəhmətlik ataları kimi, ölkəmizin qurucusu Heyder Əliyevin və Sizin daxili və xarici siyasətinizə daim dəstək olduqlarını öz peşə fəaliyyetləri ilə sübut ediblər.       2016-cı ilin aprel döyüşləri zamanı AZTV-nin Qarabağ bölgə müxbiri kimi onun peşəkarlığı, Ali hərbi komandanlığı tərəfindən fəxri diplomla qiymətləndirilib.

44 günlük Zəfər müharibəsi zamanı isə Sənan Abdullayev rəsmi olaraq ölkəmizdə fəaliyyət göstərən internet televiziyalarının savaş müxbiri kimi Müzəffər Ordumuzun Ali baş komandanı İlham Əliyevin rəhbərliyi altında, rəşadətli qələbə xəbərlərini yaymaqla öz peşə borcunu yerinə yetirib. Həmin dönəmdə İlqar Atayev Beynəlxalq sosial şəbəkələrdə tanınmış blogger kimi dəfələrlə Azərbaycanın düşmənlərinə tutarlı cavablar verərək Ordumuzun və Ali baş komandan İlham Əliyevin qələbələrinin tərənnümçüsü kimi çıxışlar edib. Onların anaları kimi biz də ömrümüzün 40 ilini sənayeyə və pedoqoji sahəyə həsr ederek övladlarımızı zəhmətlə və qayğıkeşliklə böyütmüşük.

Cənab prezident İlham Əliyev:           

Çox hörmətli Mehriban Xanım:

Əksər insanlar kimi bizim övladlarımız Sənan Abdullayevində  İlqar Atayevin də günahları var və biz bunu dana bilmərik. Amma onların günahları ucbatından həbsdə yatmaları, bu gün- sabah öləcək biz analarının tabutları oğulsuz qoymamalıdırlar. Çünki, yuxarıdada qeyd etdiyimiz kimi birimizin 70, digərlərimizin isə 74 yaşımız var. Necə deyərlər, bir ayağımız burda, bir ayağımız da gordadır. Hər ikimiz ağır şəkər və ürək xəstələri kimi qrup əlillik, əsa ilə yeriyirik. Sənanın 3 övladı və 2 nəvəsi, İlqarın isə 2 azyaşlı övladları var. Demək olar ki, hər ikisinin ailəsində maddi durumları acınacaqlıdır. Sənan Abdullayev 2 tip kardioloji xəstədir. 2-ci qrup gözdən əlildir, ürəyində 7 stenti var ağır şəkər xəstəsidir. 1-ci Qarabağ müharibəsi iştirakçısıdır. İlqar Atayev isə böyrək çatışmamazlığında əziyyət çəkir, xroniki miqren xəstəsidir. Hər ikisi 5 il 6 ay müddətinə 12 dekabr 2022-ci il tarixində Gəncə Ağir Cinayətlər Məhkəməsinin hökmü ilə azadliqdan məhrum edilməklə artıq 18 aydır həbsdədirlər.   

Cənab Prezident!

Siz Ümummilli lider Heydər Əliyevin davamçısı kimi artıq 20 ildir ki, Azərbaycab Respublikasının prezidentisiniz. Dahi liderin layiqli davamçısı olur. Dahi davamçılar isə ölkənin vətandaşları liderin, həqiqətən, onların maraqlarını düşündüyünü hiss etdikdə yaranır. Unutmayaq ki, insanlar yalnız etibar etkilərinə inanırlar. Məhz Siz Azərbaycan Respublikasının prezidenti İlham Əliyev olaraq, 10 millyondan artıq Azərbaycan xalqının inamını qazanmağı bacarmısınız. Razılaşaq ki, liderlik məşhurluq deyil-səmimiyyətdir. O hakimiyyət deyil-məqsəddir. Sonda liderlik vəzifə deyil -istedaddır. Yəni təkcə biz deyil Bütün Azərbaycan anaları Sizin kimi səmimi, məqsədli, hümanist prezidentimizin olması ilə fəxr etmişik və edəcəyikdə. Ən əsası da Siz bütün vətandaşlarınızın elecədə məhkumların da hüquqlarının təminatına daim xüsusi önəm vermisiniz. Sizin hakimiyətiniz illərində 36 əfv sərəncamı ilə 6 mindən cox məhkumu bağışlamaqla onları ailələrinə qovuşdurmusunuz. Məhkum edilmiş şəxslərin efv olunması humanist addım olmaqla yanaşı insan və vətandaş hüquq və azadlıqlarına hörmət və ehtiramın bariz nümunəsidir. Elə ona görə də düz deyirlər ki, müdrik liderlər həmişə qayğıkeş olurlar.

Cənab prezident İlham Əliyev!

Cox hörmətli Mehriban xanım!

Sizdən ağbirçək analar kimi xahiş edirik ki, Sənan Abdullayevin və İlqar Atayevin törətdiyi əməlin ictimai təhlükəlilik dərəcəsini, ilk məhkumluqlarını, törətdiyi əməldən səmimi peşman olmalarını, islah olunmalarını, zərərçəkənlərlə barışıq əldə etmələrini nəzərə alaraq, Prezident kimi müstəsna səlahiyyətlərinizdən istifadə edərək onları əfv edəsiniz.

Cənab Prezident!

Hər ikimiz ağbirçək ana kimi gözəl bilirik ki, Siz təkcə hazırda azadliqda xoşbəxt yaşayanlara deyil, həmçinin azadlıqlarını itirmiş insanlara xoşbəxtlik nəsib etmək gücündəsiniz. Bizim üçün xoşbəxtlik həmdə oğlanlarımızın çiynində qəbir evinə getməkdir. Siz təkcə Sənanı və İlqarı bağışlamaqda onlara azadlığı bəxş etməyəcəksiniz bizi, ailələrini, övladlarını sevindirməyəcəksiz.Siz həm də onları bir ömür “Anamızı hamı kimi qəbir evinə yola salmadıq “kimi vicdan əzabından qurtaracaqsınız.

Dərin hörmətlə,                                     

Almaz Kazımova və Validə Atayeva".