Gundemxeber.az » Ölkə » Cəmiyyət » Ramiz Mehdiyevin gəlini "Bank BTB"dəki payını 77 faizə yüksəltdi
Ramiz Mehdiyevin gəlini "Bank BTB"dəki payını 77 faizə yüksəltdi
Prezident Administrasiyasının sabiq rəhbəri, AMEA-nın keçmiş prezidenti Ramiz Mehdiyevin gəlini Nigar İsmayıl qızı Mehdiyevanın "Bank BTB"dəki payı 77 faizə yüksəlib.
GUNDEMXEBER.AZ-ın qaynarinfo-ya istinadla məlumatına görə, 2024-cü ilin martında gerçəkləşən səhmlər üzrə hərracda "Bank BTB" ASC-nin səhmlərini əldə edən səhmdarların adları məlum olub.
Martda hər səhmin 1000 manat qiyməti olmaqla 5000 ədəd səhm buraxılıb və bu da ümumilikdə 5 milyon manat edir. Bankın əsas səhmdarı olan Nigar Mehdiyevanın payı son əməliyyatlardan sonra 74.99 faizdən 76.74 faizə yüksəlib. Belə ki, o, yeni buraxılan səhmlərin 3 837 ədədini əldə edib.
İkinci ən əsas səhmdar Rza Sadiq İsmayıl oğlunun payı 19.01 faizdən 17.68 faizə, üçüncü əsas səhmdar Tükəzban Mahmudova Ağa qızının payı isə 6 faizdən 5.58 faizə düşüb. Hər iki şəxsin yeni əldə etdikləri səhmlər müvafiq olaraq 950 və 300 ədəddir.
Bu barədə ilk məlumatı banker.az saytı yayıb.
Qeyd edək ki, 2024-cü ilin martında Bank "BTB" ASC-nin nizamnamə kapitalı 5 milyon manat artırılaraq 71.45 milyon manata yüksəldilib. "Bank BTB" ASC-nin əsas səhmdarı olan Nigar Mehdiyevanın həyat yoldaşı fövqəladə hallar nazirinin müavini general-mayor Teymur Mehdiyevdir.
GUNDEMXEBER.AZ
Oxşar yazılar :
-
-
Ramiz Mehdiyevin gəlini milyonlarla zərər etdi ...
28-10-2022, 15:52
-
Ramiz Mehdiyevin bankı zərərdən qurtula bilmir ...
30-07-2020, 11:49
-
Ramiz Mehdiyevin Bankı Qarabağı erməni dilində ...
24-07-2020, 16:53
-
“Xalq Bank” Ramiz Mehdiyevin ailə üzvlərinə ...
26-09-2022, 16:57
-
Beynəlxalq Bankın 500 milyonundan xəbər yoxdur ...
3-06-2016, 15:54
Sorğu
Yay istirahətini harada keçirmək niyyətindəsiniz?