Cənubi Asiya ölkələri-Hindistan, Nepal və Banqladeşdə musson yağışları tüğyan edir.

Leysan yağışlar sel və torpaq sürüşmələrinə səbəb olub. Üçölkədə 1 milyondan çox insan evsiz qalıb.

Nindistan, Nepal və Banqladeşdə sel və torpaq sürüşmələri 800-dən çox insanın ölümünə səbəb olub.

Təkcə Banqladeşdə 5.7 milyon insan sel fəlakətindən təsirlənib. Su səviyyəsinin getdikcə artdığı ölkədə 115 nəfər həlak olub. 225 körpü dağıdılıb. Yardım qurumları fəlakətdən ziyan çəkənlərə kömək etməkdə çətinliklərlə qarşılaşıblar.

Hindistanın təkcə Asam ştatında 180 nəfər həlak olub. Arunaçal Pradeş, Naqaland və Manipur ştatları da sel sularına təslim olub. 7 min kəndin suya qərq olduğu Biharda 253 nəfər həlak olub. Yarım milyon insan evlərini tərk etmək məcburiyyətində qalıb.

Nəsli kəsilməkdə olan 24 kərgədan, beş fil və bir qaplan da selin qurbanı olub. Nepalda isə 141 nəfər həlak olub. Minlərlə ev dağılıb. Saptari bölgəsində sel bir kəndi məhv edib.

Qeyd edək ki, may ayında başlayan musson mövsümü sentyabr ayında başa çatacaq.