Suraxanı rayon prokurorluğundan bildirilib ki, Hovsan qəsəbəsindəki kanaldan tapılan doğranmış meyitin şəxsiyyəti hələlik müəyyənləşdirilməyib.

“Hazırda əməliyyat istintaq tədbirləri davam etdirilir. Doğranmış və çürüməyə məruz qalmış kişi meyitinin şəxsiyyəti müəyyənləşdirildikdən sonra ictimaiyyətə ətraflı məlumat veriləcək”- əlavə edilib.

* * *13:48

Bu gün Bakının Hövsan qəsəbəsində insan meyiti aşkarlanıb.
Qəsəbə ərazisindən keçən kanaldan bədəninin bir çox əzaları kəsilmiş meyit tapılıb. Hadisə yerinə əməliyyat qrupu və hüquq-mühafizə orqanlarının digər nümayəndələri cəlb edilib.
Öldürülən şəxsin kimliyi və əsas əlamətləri hələlik məlum deyil.