Şadlıq sarayının rəhbəri həbs edildi

Gundemxeber.az » Ölkə » Kirminal » Şadlıq sarayının rəhbəri həbs edildi

Şadlıq sarayının rəhbəri həbs edildi

Tarix: 9-02-2022, 10:41 Bölmə :Kirminal Baxış: 206

Bərdə Rayon Polis Şöbəsinin əməkdaşlarının keçirdikləri tədbirlər nəticəsində rayon ərazisində yerləşən şadlıq sarayında karantin rejiminin tələblərinin pozulduğu toy məclisi müəyyən olunub.

Daxili İşlər Nazirliyinin Mətbuat Xidmətinin Bərdə regional qrupundan verilən məlumata görə, yoxlamalar zamanı rayonun Hacıallı kəndində yerləşən "Atabəy” şadlıq sarayında keçirilən toy məclisində karantin qaydalarının pozulduğu aşkar edilib.

Qayda pozuntusu ilə əlaqədar restorana cavabdeh olan Təbriz Əlizadə barəsində İnzibati Xətalar Məcəlləsinin müvafiq maddəsi ilə protokol tərtib edilərək rayon məhkəməsinə göndərilib.

Məhkəmənin qərarı ilə o, 8 gün müddətinə inzibati qaydada həbs edilib.

GUNDEMXEBER.AZ