Gundemxeber.az » Ölkə » Kirminal » Bakıda Sinaqoqda ravvindən namaz qılmağı tələb edən şəxs həbs edildi
Bakıda Sinaqoqda ravvindən namaz qılmağı tələb edən şəxs həbs edildi
Bakının Nəsimi rayonu ərazisində yerləşən Sinaqoqda (Yəhudi ibadət evi) ravvindən (din xadimi) "hər kəsin namaz qılmasını" tələb edən şəxs saxlanılıb.
1994-cü ildə Bakı şəhərində doğulmuş, ali təhsilli Cabir Həsənov (ad-soyad şərti) saxlanılaraq barəsində İnzibati Xətalar Məcəlləsinin 510 və 535.1-ci maddələri protokol tərtib edilib və iş məhkəməyə göndərilib.
Məlum olub ki, Cabir Nəsimi rayonu ərazisində yerləşən Sinaqoqa gedərək, ravvinlə söhbət edib və orada hər kəsin namaz qılmalı olduğunu bildirib.
Daha sonra Sinaqoqdan çıxaraq qışqırmağa başlayıb. Bu zaman polis əməkdaşları ona yaxınlaşaraq şəxsiyyətini təsdiq edən sənədi təqdim etməsini istəyiblər və ictimai asayişi pozmaması barədə xəbərdarlıq ediblər.
Onu polis bölməsinə dəvət etsələr də, Cabir polisin qanuni tələblərinə əməl etməyərək, xidməti avtomobilə əyləşməkdən imtina edib. Bu səbəbdən zəruri tədbirlər görülərək avtomobilə əyləşdirilib və polis bolməsinə aparılıb.
Məhkəmənin qərarı ilə təqsirləndirilən şəxs İnzibati Xətalar Məcəlləsinin 510 və 535.1-ci maddələri ilə təqsirli bilinərək, 15 gün müddətinə inzibati qaydada həbs edilib.
Gundemxeber,az
Oxşar yazılar :
-
-
Şirvanda jurnalist həbs edildi - Səbəbi açıqlandı ...
13-04-2020, 12:39
-
Təranə Səmədova narkotikə görə cəzalandırılıb - ...
12-05-2022, 14:34
-
DİN: Reper Pərviz Quluzadə polisə tabe olmadığı ...
27-12-2019, 11:32
-
Məscidə namaz qılmağa gələn şəxs bıçaqlanıb - ...
2-09-2017, 12:53
-
Karantin rejimini pozan şəxs inzibati qaydada ...
23-04-2020, 17:50
Sorğu
Hansı bölmədə daha çox xəbər görmək istərdiniz?