Emin Ağalarov bu konserti kimlər üçün nəzərdə tutub?

Məlum olduğu kimi, “Jara” konserti iyulun 27-30 arası Bakıda keçiriləcək. 4 gün dənizin sahilində baş tutacaq konsertlərin bilet qiymətləri də acılanıb.

Bilet qiymətləri orta statistik azərbaycanlının maddi durumuna qətiyyən uyğun deyil.

Ayaqüstə dayanmaq üçün satılan biletlər 30 AZN məbləğindədir. Oturacaqlı yerlər üçün standart bilet qiymətləri 80-500 AZN-ə satılır. VİP biletləri 4000 AZN məbləğindədir.

Həmin biletlər dörd nəfərlik masa üçün nəzərdə tutulub. Amma konsert təşkilatçılarının yaydığı məlumatda bildirilir ki, bir ədəd VİP bilet almaq olmaz.

Konserti VİP masadan seyr etmək istəyənlər biletlərin dördünü də almalıdır. Bu isə o deməkdir ki, VİP masa üçün 16.000 AZN ödəmək lazımdır.

VIP ARTISTS bilet isə 10 000 AZN-dir. Bu isə altı nəfərlik masada, artistlərin olduğu zonada nəzərdə tutulan yerdir. Bu biletləri isə tək almaq mümkündür.

Fanzon və Standart biletlər də bir nəfərlik satılır./musavat.com