Ölkə prezidentinin təşəbbüsü ilə jurnalistlərə mənzil hədiyyə edilməsi hazırda gündəmin əsas mövzusudur. Ev alan jurnalistlərin siyahısı açıqlanmasa da, artıq bir çox görkəmli imzaların mənzillə təmin olunmaları haqda dəqiq məlumatlar var.
Bu imzaların məlum olan qismi siyahının necə möhtəşəm olmasından xəbər verir. Ölkənin ən parlaq imzalarının bir qismi, xüsusi ilə də bəzi müxalif yönümlü yazaralar prezident tərəfindən evlə mükafatlandırılıblar. Artıq geniş ictimaiyyəıtə bəzi adlar məlumdur:

Aygün Muradxanlı, Zahid Səfəroğlu, Elşad Paşasoy, Xalid Kazımlı, Hüseynbala Səlimov, Azər Rəşidoğlu, Jalə Mütəllibova, ,Mübariz Əsgərov ("Qulp"), Nurşən Quliyev, Fərid Teymurxanlı, Rahib Qərib və başqaları.
Bu imzalar əslində Azərbaycan mətbuatının ən möhtəşəm, ən güclü imzalarından sayılır.

Musavat.com xəbər verir ki, prezidentin təşəbbüsü ilə KİV DF tərəfindən inşa edilən yeni mənzillərin (255 mənzil) öz sahiblərinə təqdim edilməsi sabah, 20 iyul tarixində xüsusi törənlə baş tutacaq. Yazarlara ev orderini Azərbaycan respublikasının prezidenti şəxsən təqdim edəcək./musavat.com