Hörmətli Fərəh Şirməmməd qızı Əliyeva!

Azərbaycan Dövlət Mədəniyyət və Incəsənət Univerisitetinin rektoru vəzifəsində çalışarkən, həmişə tələbələrə qarşı tək müəllim kimi deyil, həm də bir valideyin olmusunuz. Biz sizin fəaliyyətiniz dövründə özümüzü hər zaman güclü və cəsarətli tələbə kimi hiss etmişik.Bizim üçün ən sevindirici xəbər Prezident İlham Əliyevin Fərəh Şirməmməd qızı Əliyevanı Azərbaycan Respublikası Prezidentinin Administrasiyasının Humanitar-siyasət məsələləri şöbəsinin müdiri təyin edilməsi haqqında sərəncam imzalaması oldu. Universitetin qayəsi, dövlətini və millətini sevən, elmi və texnoloji biliklərə yiyələnmiş demokratik ruhlu mütəxəssislər yetişdirərək Azərbaycanın tərəqqisinə xidmət etməkdədir.
Mən də bu ali təhsil ocağının bir tələbəsi olaraq, həmişə rektorumun savadlı və cəsarətli olması ilə qürur hissi keçirmişəm.
Çox Hörmətli Fərəh xanım! Şərəfli sənət sahibi olmağınız, bu yeni vəzifənin mənəvi yükünü təmiz vicdanla daşımağınız və bu ada layiq olmağınız münasibətilə sizi səmimi qəlbdən təbrik edirəm. Sizə can sağlığı, xoşbəxt həyat, fəaliyyətinizdə və gələcək işlərinizdə uğurlar və nailiyyətlər arzu edirəm.

Hörmətlə, “Sabah” qrupunun 4-cü kurs tələbəsi Çilənay Əliyeva.