Millət, bəsdi bu fürsətgir KÜTLƏYƏ RƏVAC verməyin ki, kor-koranə ev yıxıb, kiminsə acığın KİMDƏNSƏ ÇIXSINLAR! Bu dəstək, mənim təzim etdiyim XALQIMA YARAŞMAYAN cılızlıqdır! İnsanlığın ən böyük faciəsi odur ki, bir fitə sürüyə dönür!

Bu gündən sonra məni nə döyənəklə, nə də ki qadağalarla qorxutmaq olar! On üç yaşımdan anamın əlimdən tutub səhnəyə çıxardığı bu günümə kimi riyakarlıq görmüşəm! O vaxt sovetin azğın canavarlarından qorxmamışam! Bu gün də məni -79 yaşımda nə satın almaq olar, nə də qorxutmaq!
Bu sənətdə getdiyim yolun yarısının yüzdə birini gedə bilən yoxdur, olmayacaq da...
1989-cu ildə Bəxtiyar Vahabzadə, Bayram Bayramov (yazıçı), İsmayıl Şıxlı, Süleyman Ələsgərov (bəstəkar), (5-ci şəxsin adını xatırlaya bilmədiyim üçün ruhu məni bağışlasın) VƏZİROVUN kabinetində mənə birbaşa Xalq Artisti adının verilməsinə görə davaya çıxdılar. 48 yaşımda mənə zülmlə, zillətlə əməkdar adını "qopartdılar" (sözümə görə üzr istəyirəm). Halbuki, o illərdə AYAQLAR ÇOXDAN BAŞ olmuşdu. Mən bugünkü gün BÜTÜN ESTRADANIN BORCLU OLDUĞÜ üç magikanın (RƏŞİD Behbudov, MİRZƏ Babeyev) sonuncu və yeganə qadın sənətkarıyam! 92-ci ildə ƏBÜLFƏZ ELÇİBƏY mənə xalq artisti adı verməsəydi, elə əməkdar adında da qalacaqdım. Hətta bu halda da mən ehtiyacın köləsi olmazdım!
Düşünürsüz o qədər aciz və ağılsız oldum ki, FƏXRİ XİYABAN iddiasında olanlar kimi, o ŞÖHRƏTƏ, O İMARƏTLƏRƏ GEDƏN YOLUN QAPILARINI tanımadım??? Mən o insanam ki, qapılardan əyilib keçməmişəm. Məddahlığı şənimə ar bilmişəm! Malım-mülküm, bugünkü rifahım ailəmin, övladlarımın rifahıdır. DİLƏNİB, SATQINLIQ EDİB, XƏBƏRÇİLİK EDİB kimisə gözdən salıb ÖZÜMƏ GÜNDƏM QAZANMAMIŞAM! Bu həyatımı boşuna yaşamadım ki, kimsə məni HAQQ OLAN SÖZÜMƏ GÖRƏ araşdırmadan, şəraiti incələmədən LİNÇ ELƏSİN!
Nazir "Damokl" qılıncı gəzdirmir işçi heyətinin başının üstnüdə ki, hər əməlin güdsün. Özü də MƏDƏNİİYƏT NAZİRİ.
Kimlərəsə “AD” verdilər... Bəli verdilər! Yerli-yersiz, sənəti olana da, olmayana da necə gəldi, kimə gəldi verdilər o adları. Mən də narazıyam! BU, TAM BAŞQA BİR MÖVZUDUR! Kiminsə çörəyinə bais olum, FÜRSƏTÇİLİK edim? Kimdənsə xoşum gələ bilər, kimləsə düşmənçiliyim ola bilər, amma mən O VİCDANIN YİYƏSİ DEYİLƏM Kİ, ədavətimin sərhədindən kənarda da ondan intiqamımı alım! RƏZİLLİKDİR BU!
Şeyx Əbdül, “rüşvət alıb ad veriblər” deyə intervü vermisiz. Deyən gərək, sizə də 2018-ci ildə xalq artisti adı verdilər. Sizdəndəmi rüşvət aldılar, aldılarsa, kim və nə qədər? "Adlarla" bağlı narazıçılığ məqamlarınızda etirazlarınızla alıb-verenləri ifşa edib imza toplaya bilərdiz. Bunu etmədiniz. Nazirlikdən O ADIN TƏSDİQLƏNMƏSİNƏ kimi uzun bir zəncir var, bunu bilirsiz. Bu məqamların NAZİRLİKDƏN nə dərəcədə asılı olmağını da yaxşı bilirsiz. Son imzaya kimi nə qədər imzalardan keçdiyini də hamıdan dəqiq bilirsiz!
Təəccüb edirəm sadəcə, Nazirlik o günə qaldı ki, ildə 20 nəfərə ad veməklə dolanası oldu? Nə yazdığınızı heç düşünürsüz? Tör-töküntülər rüşvət alırsa... vay hallarına!
Mənim nə Nazirlikdən, nə onun böyüyündən, nədəki böyüyünün böyündən asılacağım var!!! Mən bu şəraitdə nə nazirin, nə rüşvət alanın nə də rüşvət verənin tərəfini tuturam! Mən, topuğa belə dəyməyən daşı arxadan atanların əleyhinəyəm! Məlumatı oldu, olmadı nəsə yazmaq xatirinə söz yazanlar, özünü ağıllı və başbilən göstərmək, qeybət eləmək KİŞİLKDƏN deyil!

Flora Kərumova