... Xəbərlər yüyürər
öz ünvanına,
ya səhərə yaxın,
ya gecəyarı.
Bir səs lap astadan
döyər qapını,
qapı da dartınar
o səsə sarı.

Dartınıb, dartılar,
açıla bilməz,
qapı özü qalar
qapı dalında.
Nə qədər axtarar,
tapmaz girişi,
azmış səs rəqs edər
sükut balında...

Partladar özünü
son ərəb qızı,
susar beş - on adam
yevrey dilində.
Günəş Qərbdən çıxar,
pozular düzüm
İordan çayının
Qərb sahilində.