Tehranın “Vəhdət” Mədəniyyət Mərkəzində Azərbaycan muğam konserti keçirilib.

Gundemxeber.az bildirir ki, konsertin ifaçısı Nasir Ətapur olub. Onu Vəhdət Rəhimi, Pedram Rəncbər, Cəfər Noi və Əli Rəşidi müşayiət edib.

Konsert Tehran, Kərəc və başqa bölgələrdə yaşayan azərbaycanlılar tərəfindən rəğbətlə qarşılanıb.

Qeyd edək ki, 1976-cı ildə Təbrizdə anadan olan Nasir Ətapur Azərbaycan Milli Konservatoriyasında təhsil alıb. 2007-ci ildə Heydər Əliyev Fondunun layihəsi əsasında keçirilən Muğam Müsabiqəsində 3-cü yer tutub.

Gundemxeber.az