Azərbaycan tarixi multikulturalizm üzərində qurulub. gundemxeber.az Trend-ə istinadən bildirir ki, bu barədə Azərbaycan Prezidenti İlham Əliyev V Bakı Beynəlxalq Humanitar Forumunun açılışında çıxışında bildirib.

Dövlət başçısı qeyd edib ki, bu sözün yeni olmasına baxmayaraq, Azərbaycanda multikulturalizm yaşayan ənənədir.

Prezident İlham Əliyev deyib ki, Azərbaycanda bütün millət və xalqların nümayəndələri dinc və mehriban şəraitdə yaşayırlar: "Bu bizim böyük sərvətimizdir".

Dövlət başçısı əlavə edib ki, Azərbaycanda müxtəlif dini idarələr - məbədlər, kilsələr tikilir, bərpa olunur.

Azərbaycanda ən qədim məscidlərdən birinin - Şamaxı Cümə məscidi, Şəkidə Qafqazın qədim kilsələrindən birinin və Atəşgah məbədinin olduğunu deyən Prezident İlham Əliyev bildirib: "Biz tariximizlə fəxr edirik".

Dövlətimizin başçısı qeyd edib ki, ölkə daxilində bu siyasət hörmət qazanıb.

Prezident vurğulayıb ki, Azərbaycanda 2016-cı ilin "Multikulturalizm ili" elan olunması təsadüfi deyil: "Təəssüf ki, bəziləri multikulturalizm siyasətinin müvəffəqiyyətsizliyə uğradığını, hətta təhlükəli hal aldığını deyirlər".

Azərbaycan Prezidenti bildirib ki, ölkə daxilində bu siyasət hörmət qazanıb.

Dövlətimizin başçısı deyib ki, Azərbaycanda 2016-cı ilin "Multikulturalizm ili" elan olunması təsadüfi deyil: "Təəssüf ki, bəziləri multikulturalizm siyasətinin müvəffəqiyyətsizliyə uğradığını, hətta təhlükəli hal aldığını deyirlər".