Maliyyə Nazirliyi istiqraz buraxılışı yolu ilə 700 milyon manat borclanır.
Maliyyə Bazarlarına Nəzarət Palatası (MBNP) yanvarın 27-si Maliyyə nazirliyinin hər birinin nominal dəyəri 100 (yüz) manat olan 6 milyon ədəd dövlət qısamüddətli istiqrazlarının buraxılışını qeydiyyata alıb.

Palata həmçinin Maliyyə nazirliyinin hər birinin nominal dəyəri 100 (yüz) manat olan 1 milyon ədəd dövlət ortamüddətli istiqrazlarını qeydiyyata götürüb.
İstiqraz borc tipli valyuta alətidir.
İstiqrazı alan (dövlət, şirkət) investora müəyyən olunmuş vaxt çərçivəsində kupon adlandırılan faiz və əsas borcun məbləğini ödəyir.