Google xəritələrinin səhvləri: təxribat, yoxsa savadsızlıq?

Bu gün Google-un xəritə xidməti kiçik çaplı siyasi təxribatlar üçün məkana çevrilib.

Söhbət xəritə təcavüzündən gedir. Misal üçün, "ЭХО" qəzeti yazır ki, Azərbaycanın işğal altında olan ərazilərinin adları doğru göstərilməyib. Füzuli rayonun adı "Varanda" kimi, Cəbrayıl rayonunun adı "Crakan" kimi, Zəngilan rayonunun adı "Kovsakan" kimi Ağdərə rayonunun adı "Mardakert" kimi göstərilib. İşğal altında olan torpaqlarda aparılmış arxeoloji qazıntı ərazisinin adı isə "Tiqranakert" kimi göstərilib. Siyahını uzatmaq olar.

Bu cür təxribatları müxtəlif üsullarla Ermənistan çoxdan həyata keçirir. Bundan başqa, aparıcı erməni KİV-ləri də bu təxribatı açıq-aşkar təbliğ edirlər. Bu cür məlumatlar isə heç bir senzuranın olmadığı internetdə yayılır.

Xəritələrdəki adlara gəlincə, adətən rəsmi şəkildə qəbul olunmuş adlardan istifadə olunur. Misal üçün, Çeçenistanın paytaxtı "Cövhər qala" kimi yox, Qroznı kimi göstərilir. Argentinanın Folklend adalarını Google xəritəsində "Malunis" kimi göstərən də yoxdur. Bundan başqa, Alyaskadakı Sitka şəhərinin adını da Google xəritələrində "Yeni Arxangelsk" adlandırmaq heç kimin ağlına gəlmir.

Bu məqamları Google şirkətinin rəhbərliyinin diqqətinə çatdırmaq günah olmazdı.