Türkiyə Prezidenti Rəcəb Tayyib Ərdoğan Azərbaycana səfərə gəlib.

Heydər Əliyev Hava limanında onu Azərbaycan baş nazirinin birinci müavini Yaqub Əyyubov, xarici işlər nazirinin müavini Xələf Xələfov, Azərbaycanın Ankaradakı səfiri Xəzər İbrahim, Türkiyənin Bakıdakı səfiri Erkan Özoral və başqa rəsmilər qarşılayıb.

***

Türkiyə prezidenti Rəcəb Tayyip Ərdoğan seçkilərdən əvvəl prezident seçiləcəyi təqdirdə ilk rəsmi səfərini Azərbaycana edəcəyini bildirmişdi.
Ərdoğan bu gün ilk rəsmi səfərini Azərbaycana edir.

Səfər çərçivəsində Ərdoğan Şəhidlər xiyabanı və Türk şəhidliyini ziyarət edəcək. Rəsmi qarşılanma mərasimindən sonra Ərdoğan Azərbaycan Respublikasının prezidenti İlham Əliyevlə görüşəcək. Prezidentlərin görüşündən sonra heyətlərarası görüş olacaq.

Sonra isə birgə mətbuat konfransı veriləcək.