Rusiya prezidenti Vladimir Putin Düşənbəki MDB sammitində iştirak edəcək və Bakıda Azərbaycan prezidenti İlham Əliyevlə görüşəcək.

gundemxeber.az xəbər verir ki, bunu jurnalistlərə açıqlamasında Rusiya prezidentinin mətbuat katibi Dmitri Peskov deyib.

“Sabah axşam saatlarında Putin Düşənbədə qeyri-formal naharda iştirak edəcək. Buna qədər isə Putin səhər erkən saatlarda Bakıya gedəcək. Burada o, Rusiya - Azərbaycan regional forumundan iştirak edəcək.

Putin və İlham Əliyev region rəhbərləri ilə görüşəcək, onlar qarşısında çıxış edəcək. Bundan əvvəl prezidentlər Bakıda keçirilən cüdo üzrə dünya çempionatının bəzi yarışlarını izləyəcək”, - Peskov deyib.