“Neftin qiymətinin kəskin enməsinə, altı ay ərzində valyuta ehtiyatlarımız cəmi 98 milyon dollar azalıb. Daha da aşağı düşəcəyini gözlədik. Əgər büdcəmizdə neftin qiyməti 55 dollar səviyyəsində hesablanırsa, altı ay ərzində neftin orta qiyməti 38 dollar idi. Yəni bu, bizim üçün böyük itkidir".

GundemXeber.Az-ın məlumatına görə, bunu Prezident İlham Əliyev yerli televiziya kanallarına müsahibəsində söyləyib.

“Bəzi günlərdə neftin qiyməti daha da aşağı düşdü. Bildiyiniz kimi, özlərini müxalifət adlandıran bəzi nümayəndələr bir-birini təbrik edərək neftin qiymətinin 14 dollara düşdüyünü və indi ölkənin böyük problemlərlə üzləşəcəyini qeyd etdilər. Azərbaycan xalqı belə bir yaramaz mənzərəni görəndə kimin kim olduğuna bir daha əmin olurlar. Çünki neftin qiymətinin düşməsi ilk növbədə insanların sosial problemlərinin həllinə təsir edəcəkdir. Əgər neftin qiyməti uzun müddət aşağı səviyyədə qalsa, o zaman investisiya xərclərimizi azaldacağıq. Bu vəziyyətdə işsizlik artacaq. Sosial xərcləri azaltmalı olacağıq və insanlar bundan əziyyət çəkəcəklər. İnanıram ki, bu gün yalnız Ermənistan və özünü müxalifət adlandıran xalq əleyhinə şurası neftin ucuzlaşmasından məmnundur. Çünki onların hər ikisində Azərbaycan dövlətçiliyinə qarşı düşmən münasibət var. Bunu Azərbaycan xalqı bilməlidir. Ancaq dedim ki, neft 14 dollara başa gəlsə də, ayaqlarımızda dayanacağıq. Çünki son illərdə biz elə bir böyük maliyyə və iqtisadi potensial yaratdıq ki, hər hansı bir böhranın öhdəsindən gələ bilək", - dövlət başçısı bildirib.

GundemXeber.Az