Futbolçunun önümüzdəki mövsüm qara-ağlı klubun məşqçi heyətində yer alacağı deyilir

Bir vaxtlar "Beşiktaş" futbol klubunda at oynadan İlhan Mansızın gələn mövsüm qara-ağlı komandanın məşqçi heyətinə qatılacağı deyilir.
2001 - 2004-cü illər arasında "Beşiktaş" formasını geyinən İlhan Mansız həm futbolu, həm də şəxsi həyatı ilə yaddaşlarda iz buraxsa da, uzun müddət gözlərdən uzaqda idi. Lakin onun yenidən kluba qayıdacağı xəbərləri gündəmə gəlib.
Keçmiş məşhur futbolçunun önümüzdəki mövsüm qara-ağlı klubun məşqçi heyətində yer alacağı deyilir.
İlhan Mansızın "Beşiktaş"a qayıtması xəbəri isə ötən gün qara-ağlı klubun prezidenti Fikrət Orman ilə etdiyi təkbətək görüşdə gündəmə gəlib. Belə ki, görüşdə Orman ondan, "gələn il üçün planların nədir?" - deyə soruşub.
Qeyd edək ki, bundan əvvəl Sergən Yalçın, İbrahim Üzülməz, Gökhan Keskin və Ali Gültekin barədə rəhbərliklə fikirlərini bölüşən Ormanın İlhan Mansız haqqında baş məşqçi Bilicin də müsbət rəyini aldığı və ona məşqçilik təklifi edəcəyi bildirilir.