"Borussia Dortmund" amerikalı gənc futbolçu Kristian Pulişiçlə müqavilənin müddətini uzadıb. gundemxeber.az goal.az-a istinadən xəbər verir ki,18 yaşlı vinqer 2020-ci ilə qədər nəzərdə tutulmuş yeni müqavilə imzalayıb. Bu, Dortmund klubunun isveçli Aleksander İsak uğrunda mübarizədə "Real Madrid"ə qalib gəlməsindən sonra baş verib.

Qeyd edək ki, Pulişiç "Liverpool" və şəxsən baş məşqçi Yurqen Kloppun maraq dairəsində idi. Amma "Borussia" rəsmiləri bir neçə dəfə açıqlama verərək "qırmızılar"ın boşuna ümidlənməməsini dilə gətirmişdilər. Ötən yay "Liverpool" gənc yarımmüdafiəçi üçün 11 milyon funt təklif etsə də, rədd cavabı almışdı.