Bakı-2017 IV İslam Həmrəyliyi Oyunlarının karate yarışında 75 kq çəki dərəcəsində qaliblər müəyyənləşib.

gundemxeber.az Trend-ə istinadən bildirir ki, finalda Azərbaycan idmançısı Rafael Ağayev pakistanlı Qulam Sədi ilə qarşılaşıb.

5 qat dünya çempionumuz R.Ağayev rəqibinə göz açmağa imkan verməyib - 4:0.

Bu, karate yarışlarında Azərbaycanın ikinci qızıl medalıdır.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

MƏQALƏDƏ: İslam Həmrəyliyi Oyunları karate