"Roma" ilə vidalaşan Françesko Tottinin karyerasını davam etdirib-etdirməyəcəyinə aydınlıq gəlib.

gundemxeber.az apasport.az-a istinadən xəbər verir ki, 41 yaşlı futbolçu butslarını mismardan asmağa tələsmir.

Belə ki, Totti ailəsi və dostlarının əhatəsində açıqlama verərək, növbəti mövsümdə də futbol oynayacağını istisna etməyib: "Fanatlara yazdığım məktubda bir punkt çatışmır. Karyeram hələ başa çatmayıb. Gələn mövsümdə oynamağa davam edəcəm, amma hansı klubda olacağımı hələ bilmirəm".

Qeyd edək ki, 1992-2017-ci illər ərzində "Roma"nın formasını geyinmiş Totti "canavarlar"ın heyətində 786 oyunda 307 qola imza atıb. O, 1998-2006-cı illərdə şərəfini qoruduğu İtaliya yığmasında isə 58 matçda 9 dəfə fərqlənib.