"Neftçi" bir futbolçusu ilə yollarını ayırıb. Paytaxt klubu avrokuboklar çərçivəsində Zaqreb "Dinamo"su ilə Bakıdakı görüşdə zədələnən və uzun müddətdi yaşıl meydanlardan kənar qalan braziliyalı yarımmüdafiəçisi Rodriqinyonu vətəninə yola salıb.
Rodriqinyonun "Neftçi" ilə müqaviləsinin müddəti bu ilin sonunda başa çatacaqdı. Futbolçunun komandaya kömək edə bilməməsi qarşılıqlı razılıq əsasında müqaviləyə xitam verilməsi ilə nəticələnib.