"Ən-Nəsr" klubunun portuqaliyalı hücumçusu Kriştianu Ronaldunun Klublararası Dünya Çempionatında iştirakı gözlənilir.

Gundemxeber.az xəbər verir ki, bu barədə "Marca" nəşri məlumat yayıb.

Mənbə iddia edir ki, portuqaliyalıya turnirdə iştirak edən klubların bir neçəsindən real təklif var.

Mətbuatda yayılan xəbərlərdə "Ən-Nəsr"in bu gün (29 may) 40 yaşlı futbolçu ilə vidalaşacağına dair açıqlama verəcəyi qeyd olunur.

Xatırladaq ki, 2025-ci il Klublararası Dünya Çempionatı 14 iyun - 13 iyul tarixlərində ABŞ-də keçiriləcək. Yarışda 32 komanda iştirak edəcək.

Gundemxeber.az