Belaruslu idmançıların öz bayraqları ilə çıxışına icazə verildiyinə görə, Ukrayna cüdoçuları dünya çempionatında iştirakdan imtina ediblər.

Gundemxeber.az xəbər verir ki, Beynəlxalq Cüdo Federasiyasının (IJF) belaruslu idmançıların dövlət rəmzləri ilə yarışa buraxılması qərarına etiraz olaraq, Ukrayna Cüdo Federasiyası milli komandanı mundiala göndərməməyə qərar verib.

Təşkilatın bəyanatında deyilir: "Ukrayna Cüdo Federasiyası rəsmi olaraq milli komandanın dünya çempionatına göndərilməməsi qərarını qəbul etmək məcburiyyətində qalıb. Federasiya IJF-in qərarını qəti şəkildə pisləyir və bu qərarın qlobal idman hərəkatının ədalət, məsuliyyət və həmrəylik kimi fundamental prinsiplərinə zidd olduğunu hesab edir".

Qeyd edək ki, cüdo üzrə dünya çempionatı iyunun 13-20-də Budapeştdə keçiriləcək. Rusiyalı idmançılar isə bu yarışda IJF-in bayrağı altında çıxış edəcəklər.

Gundemxeber.az