"Milan" klubunun prezidentinin baş müşaviri Zlatan İbrahimoviç Lionel Messinin "İnter Mayami"dəki komanda yoldaşlarını heykəllərə bənzədərək tənqid edib.

Bu barədə "Footmercato" məlumat yayıb.

Qeyd edək ki, iyunun 29-da Atlantada klublararası dünya çempionatının 1/8 final matçında PSJ "İnter Mayami" komandasını darmadağın edib (0:4).

"Leo Messi məğlub olmayıb, "İnter Mayami" uduzub! Messi komanda yoldaşları ilə yox, heykəllərlə oynayır. Onun ətrafında sement torbaları gəzdirirmiş kimi qaçan oyunçular var! Bu, tanıdığım Messi deyil. Amma onu əsil komanda alsaydı, o, yenə də stadionu yandırardı!", - deyə İbrahimoviç bildirib.

PSJ klublararası dünya çempionatında 1/4 finala yüksəlib. "İnter Mayami" turniri tərk edib.

Gundemxeber.az