Ölkə siyasətinin onəmli simaları Mehmet Ali
Birandın vəfatı ilə bağlı başsağlığı mesajları veriblər

Tanınmış türk jurnalisti Mehmet Ali Birandın xəstəxanada əməliyyatdan sonra vəfatı haqda xəbər cümə axşamı gün ərzində ökənin əsas xəbərləri sırasında olub. Birandın vəfatı barədə rəsmi acıqlama verildiyi andan aparıcı televiziya kanalları onunla bağlı canlı proqramlar yayınlayıblar. Ölkə siyasətinin onəmli simaları Mehmet Ali Birandın vəfatı ilə bağlı başsağlığı mesajları veriblər.
Prezident Abdullah Gül başsağlığı mesajında Birandı "yeri doldurula bilməyəcək" jurnalist adlandırıb. O deyib: "Jurnalistikanın və televiziya xəbərçiliyinin simvol və öndər ismi Birand köşə yazıları, xəbər proqramları, dünya miqyasında səs gətirən reportajları, yaxın tariximizə işıq salan sənədli filmləri və yazdığı kitablarla türk mətbuatında fərq yaradıb. Yaxından tanıdığım və böyük dəyər verdiyim Məhmət Əli Birandı hər zaman hörmət, sevgi və təqdirlə yad edəcəyik".
Baş nazir Recep Tayyip Erdoğan isə Birandın "əsərləriylə hörmətli jurnalist kimi xatırlananacağını" deyib. CNN Türk kanalının Birandın vəfatı ilə bağlı canlı yayınına telefonla bağlanan Baş nazir Erdoğan onunla bağlı bir xatirələrini də bölüşüb: " 2011-ci il iyun seçkilərindən əvvəl bir proqramımız olmuşdu. Proqramın sonra "birlikdə yemək yeyək" dedim. Amma "menyuda ən əhəmiyyətli yemək kokoreçdir(quzu və ya keçi ətindən dönər)" demişdim. Fəryad etmişdi, o zaman kokoreçi çox sevdiyini anlamışdım. "Erdoğanlı İllər" sənədli filmini hazırlayacaqdı. Məndən "olur" cavabini da almışdı".
Türkiyənin 9-cu prezidenti Süleyman Dəmirəl də Birandın vəfatıyla bağlı danışib. Kanal D ana xəbər bülletenində danışan Süleyman Dəmirəl, Birandın "çox qiymətli bir jurnalist" olduğunu ifadə edib. "Onunla ən uzun çalışmış siyasətçilərdən biriyəm. Millətimiz çox qiymətli bir övladını itirdi. Çox qiymətli bir jurnalist, çox qiymətli, yeri doldurulamayacaq bir insan idi" - Demirel bildirib.
Ölkənin tanınmış jurnalsitləri də Mehmet Ali Birandın vəfatı ilə bağlı fikirlərini bölüşüblər. Jurnalist Ayşenur Arslan deyib ki, Birand əməliyyata girməzdən əvvəl xəstəxanada yazdığı köşə yazısını texniki problemə görə redaksiyaya göndərə billmədiyindən köməkçisini xəstəxanaya çağırıb. Köməkçısinin yardımı ilə yazısını "Posta" qəzetinə göndərəndən sonra Birand, əməliyyata götürülüb. Narkoz altında belə, həkimlərə yazısında bəhs etdiyi mövzulardan danışıb" - jurnalist, mərhum həmkarını xatırlayıb.
Nüfuzlu Hürriyyət qəzetinin baş redaktoru Enis Berberoğlu "Mehmet Ali Birand, təcrübəsi ilə müzakirəsiz olaraq bir peşə böyüyu idi. Amma həyəcanı ilə ən gənc müxbirlə yarışardı. Onun həyatı xəbər idi. Həyatının sona çatması də hamımız üçün böyük xəbər oldu" - deyib.
Jurnalist Taha Akyol isə Birandı "günlərlə yuxusuz qalsa da, ortaya bir xəbər cıxdığında müxbirlərdən öncə özü qaçmaq istərdi" deyə xatırlayıb.
Ölkənin tanınmış sənətçisi Deniz Seki isə Twittetdeki səhifəsində Mehmet Ali Birandın ölüm xəbərinə "xəbərlər yetim qaldı" deyə reaksiya verib.
Birand İstanbuldakı American xəstəxanasında çərşənbə günü öd kisəsindən əməliyyat olunub. 72 yaşlı jurnalist uzun müddətdir ki, xərçəngdən müalicə olunurdu. Türkiyədə jurnalistikanın əfsanəvi fiquru sayılan Birand karyerasına 1964-cü ildə başlayıb. O, Kanal D özəl telekanalının baş xəbər redaktoru və Hürriyet Daily News qəzetinin köşə yazarı idi.
İlhamə Qasımlı