“Bu videonu kimin paylaşdığını bilmirik”.

Orenburqdan (Rusiya) olan azyaşlıların açıq-saçıq kostyumlarda “Arılar və Vinni-Pux” adlı çıxışları interneti silkələdi.


Oxu.Az Rusiya KİV-nə istinadən xəbər verir ki, rəqs məktəbinin yekun konsertində çəkilən rəqs internetdə qızğın müzakirəyə səbəb olub.

Bir sutka ərzində videoya 50 min baxış olub. Nəticədə rəqs məktəb-studiyası ilə Orenburq administrasiyasından maraqlanıblar.

Rəqs studiyası “Molodejnı” ME-də məkan icarəyə götürüb, rəqs məktəbini hələ 2008-ci ildə yaradıblar. Studiyanın rəhbəri Viktoriya Yakovleva kollektivinin ətrafında yaranan qalmaqalın təsadüfi olmadığından əmindir.

“Bu videonu kimin paylaşdığını bilmirik, amma bu, uşaqların və onların valideynlərinin razılığı olmadan edilib. Bu faktı da ayrılıqda yoxlamaq lazımdır. Qalmaqala gəldikdə isə rəqsin bu cərəyanı artıq çox populyardır və internetdə bundan da açıq çarxlar tapmaq mümkündür” – qadın qeyd edib.

Məlum olub ki, açıq-saçıq rəqsi ilə məşhurlaşan “tverkinq” üzrə sinif bağlanıb, “arı” qızlar isə hip-hop və klassik xoreoqrafiya üzrə dərs alacaqlar.