1:32

Ölən və yaralıların sayı açıqlandı

İstanbul çəhərində yerləşən Atatürk hava limanında baş verən partlayışda həlak olanların və yaralıların sayı artıb.

ANS PRESS-in Türkiyə mətbuatına istinadən verdiyi məlumata görə, terror hadisəsi nəticəsində 28 nəfər həyatını itirib. Yaralıların sayı 60-a çatıb, onlardan 6-nın vəziyyəti ağırdır. Hadisədə azərbaycanlıların xəsarət alıb-almaması barədə məlumatlar dəqiqləşdirilir.



--- --- ---

gundemxeber.az Habertürk-ə istinadən bildirir ki, Atatürk hava limanında iki "canlı bomba" polislərə və sərnişinlərə "Kalaşnikov" avtomatlarından atəş açandan sonra özlərini partladıblar.

Atışma və partlayışlarda 10 nəfər həlak olub, 29 nəfər yaralanıb.







00:07

gundemxeber.az DHA-ya istinadən bildirir ki, Atatürk hava limanında teraktı 2 "canlı bomba" törədiblər. Onlardan biri "Kalaşnikov" avtomatı ilə silahlanıbmış. Bu terrorçu limandakı sərnişinlərə və polislərə atəş açıb.

4 partlayışda və atışmada 10 nəfərin həlak olduğu, 29 nəfərin yaralandığı bildirilir.

10 nəfərin həlak olduğunu Türkiyənin ədliyyə naziri Bekir Bozdağ da təsdiqləyib.

İki "canlı bomba"nın özlərini partlatdıqları bəlli olub.

28.06.2016

23:58

İstanbuldakı Atatürk hava limanının beynəlcxalq uçuşlar terminalında daldabal başv ermiş partlayışlar nəticəsində 40-dan artıq yaralı olduğu vurğulanır. Ölənlərin olduğu söylənir.

gundemxeber.az DHA-ya istinadən bildirir ki, terminalın CİP bölgəsinin iki ayrı məkanında dalbadal partlayışlar olub. İlkin məlumata görə, iki terrorçu polisin şübhələndiyini görərək üzərilərindəki 4 əl qumbarasını rentgen qurğularına tərəf atıblar. Bu səbəbdən 4 partlayış olub.

Polislər terrorçulara atəş açıblar, atışma olub.

Türkiyə Səhiyyə Nazirliyindən verilən məlumata görə, olay yerinə 23 təcili yardım maşını göndərilib.

Hava limanına aparan bütün yollar bağlanıb. Hava limanına mülki avtomobillərin girişi və çıxışı yasaqlanıb.

Bakırköy Dövlət Xəstəxanasına artıq 40-dan çox yaralı aparılıb.

23:27

İstanbulda Atatürk hava limanında bir az əvvəl iki partlayış səsi eşidilib.

gundemxeber.az anspress-ə istinadən xəbər verir ki, bu barədə Türkiyənin aparıcı KİV xəbər yayıb.

Məlumata görə, partlayış səslərindən sonra silah səsləri eşidilib. İlkin xəbərlərə görə, çox sayda yaralı var.

Hadisə yerinə çox sayda təhlükəsizlik qüvvələrinin əməkdaşları və təcili tibbi yardım maşınları cəlb olunub.