04:53

Türkiyədə "CNN Türk" telekanalının binası hərbçilər tərəfindən ələ keçirilib.

gundemxeber.az Trend-ə istinadən bildirir ki, kanal canlı yayımda yayımın dayandırıldığını elan edir.

Telekanalın binası tanklarla əhatəyə alınıb.

Qeyd edək ki, Türkiyədə hərbi çevrilişə cəhd olub. Nəticədə 17 polis həlak olub.

04:41

Hərbi çevirilişçilər Türkiyənin "Doğan" Media Mərkəzinə daxil olublar.

APA-nın xəbərinə görə, bu barədə CNN Türkün canlı yayımında olan xəbər aparıcısı bildirib.

Onun sözlərinə görə, bir neçə dəqiqə öncə kanalın da yerləşdiyi şirkətin həyətinə bir hərbi helikopter enib.

Bina əsgərlər tərəfindən tutulub.

CNN Türkün xəbər aparıcısı bildirib ki, studiyada ondan və bir neçə operatordan başqa kimsə qalmayıb. Bütün əməkdaşlar dəhlizlərdə çevrilişçilərin qarşısını kəsməyə çalışıblar.

Canlı yayımda televiziya binasındakı səslər eşidilir.