İŞİD-dən ayrılan Nizar adlı terrorçu təşkilatlarının həbsxanalarındakı iyrəncliklərdən danışıb.

Milli.Az "Milliyet"ə istinadla bildirir ki, Suriyadakı İŞİD həbsxanalarında mühafizəçi işləyən Nizar təşkilatdakı qız uşaqlarının zorlandığını açıqlayıb.

Onun dediyinə görə sudanlı hərbiçinin təcavüzündən sonra 15 yaşlı uşaq qanaxmadan dünyasını dəyişib.

"God Reports"un suallarını cavablandıran terrorçu bildirib ki, burada qaçırılan qızlar və qadınlar seks köləliyinə məcbur edilirlər.

Gecə yatanda kabus gördüyünü deyən terrorçu buna görə təşkilatdan ayrıldığını və Suriyadan Türkiyəyə köçdüyünü söyləyib.