Avstraliyada qəribə bir hadisə baş verib. Yeni ana olan qadın südü çox olduğu üçün bir hissəsini süd bankına bağışladıqdan sonra qalanını internetdə satışa çıxarıb.

gundemxeber.az lent.az-a istinadən xəbər verir ki, qadın internetdə belə bir elan yerləşdirib:

"Südüm çox gəlir. Ona görə də çoxunu süd bankına bağışladım.

Bilirəm ki, tez bir zamanda bədəni şişirdiyi üçün atlet bədənə sahib olmaq istəyənlər ana südü üçün dəli olurlar.

Südlə nə edəcəyiniz sizin öz işinizdir. Süd 250 ml-lik qablarda göndəriləcək. Marağında olanlar üçün deyim ki, gözələm, 20 yaşlarındayam, iri döşlərim var.

Hələ satıb-satmayacağıma tam əmin deyiləm əslində. Sadəcə alan olub-olmayacağını görmək istəyirəm".

Qeyd edək ki, Avstraliya qanunlarına görə, insan bədəninin hər hansı bir parçasını satmaq qadağandır. Bura ana südü də daxildir. 2015-ci ildə aparılan araşdırmalardan birində internetdə satılan ana südünün əslində su və inək südünün qarışımı olduğu və yüksək nisbətdə bakteriya ehtiva etdiyi ortaya çıxıb.