Mahaçqalada törədilən partlayışda 4 nəfər ölüb, 39 nəfər yaralanıb
Rusiya Federasiyası Dağıstan Respublikasının Mahaçqala şəhərində dalbadal iki partlayış baş verib. Hadisə nəticəsində 4 nəfər ölüb, 39 nəfər isə müxtəlif dərəcəli bədən xəsarətləri alıb. Xəstəxanaya çatdırlan yaralılardan 12-nin vəziyyəti ağırdır. Yerli mətbuatın yaydığı məlumata görə, partlayışların gücü 50 kq trotil ekvivalentinə bərabər olub. Hadisənin baş verdiyi yerdə olan 20 avtomobil yararsız hala düşüb.
İlkin ehtimala görə, partlayışın avtomobilə yerləşdirilən partlayıcı qurğu ilə uzaqdan idarə olunan sistem vasitəsi ilə həyata keçirilib.
Rusiya hüquq-mühafizə orqanları faktla bağlı istintaqa başlayıb, araşdırmalar davam edir. Hadisənin terror aktı olduğu bildirilir.