Türkiyə Silahlı Qüvvələri 4 istiqamətdə Afrinə daxil olacaq.

Bu iddia ilə “Türkiyə” qəzeti çıxış edib.

YPG-yə qarşı dörd əsas istiqamətdən – Reyhanlı, Hassa, İslahiyə, Kilisdən əməliyyat təşkil olunacaq. Xəbərdə əməliyyatda 7 min türk əsgəri ilə yanaşı, Azad Suriya Ordusu üzvlərinin də iştirak edəcəyi, hökumətin hərbi əməliyyat üçün Rusiya ilə razılaşdığı və prosesin 2 ay davam etməsinin ehtimal olunduğu bildirilib.

Qeyd edək ki, Türkiyə Silahlı Qüvvələri müntəzəm olaraq bu şəhərdə yerləşən YPG mövqelərinə zərbələr endirir.