Gürcüstanda energetika naziri vəzifəsinə İlya Eloşvili təyin olunub.

Bu barədə bu gün hökumət iclasında baş nazir Georgi Kvirikaşvili bildirib.

Baş nazir qeyd edib ki, İlya Eloşvili 2012-ci ildən bəri energetika nazirinin birinci müavini vəzifəsində çalışıb və nazirliyin həyata keçirdiyi bütün layihələrdə iştirak edib.

Xatırladaq ki, Gürcüstanda Energetika naziri postu Kaxa Kaladzenin Tiflis meri vəzifəsinə namizədliyini irəli sürəndən sonra boş qalmışdı.